ഉമ്മൻചാണ്ടിയുടെ ഓര്‍മകള്‍ക്ക് ഇന്ന് ഒരാണ്ട്; പുതുപ്പള്ളി പള്ളിയില്‍ പ്രാര്‍ത്ഥനയുമായി നിരവധി പേര്‍

ആള്‍ക്കൂട്ടത്തെ തനിച്ചാക്കി ഉമ്മൻചാണ്ടി യാത്രയായിട്ട് ഇന്ന് ഒരാണ്ട്. സംസ്ഥാനമെങ്ങും ഉമ്മൻചാണ്ടി അനുസ്‌മരണ പരിപാടികള്‍ നടക്കും.

രാവിലെ മുതല്‍ നിരവധി പേരാണ് പുതുപ്പള്ളി പള്ളിയില്‍ പ്രാർത്ഥനയുമായി എത്തിയത്. പള്ളിയില്‍ പ്രത്യേക പ്രാർത്ഥനങ്ങള്‍ നടക്കും. ഏറെ വേദനിപ്പിച്ച വേർപാടിന്റെ ഓർമ്മയിലാണ് രാഷ്ട്രീയ കേരളം.

മുൻ മുഖ്യമന്ത്രിയായ ഉമ്മൻചാണ്ടിയുടെ അനുസ്മരണ പരിപാടികള്‍ക്ക് ജന്മനാടായ കോട്ടയത്ത് ഇന്ന് തുടക്കമാകും. അര നൂറ്റാണ്ടിലേറെ പുതുപ്പള്ളിയെ കൈവെള്ളയില്‍ സൂക്ഷിച്ച പിതാവിന്റെ പിൻഗാമി ചാണ്ടി ഉമ്മൻ എം എല്‍ എ ചെയർമാനായ ഉമ്മൻ ചാണ്ടി ഫൗണ്ടേഷന്റെ ഉദ്ഘാടനം ഇന്ന് ഗവർണർ ആരിഫ് മുഹമ്മദ് ഖാൻ നിർവഹിക്കും.