രാഹുല് മാങ്കൂട്ടത്തില് പുറത്തേക്ക്, മൂന്നാം ബലാത്സംഗ കേസില് ജാമ്യം
National Desk
Posted On January 28, 2026
0
9 Views
മൂന്നാം ബലാത്സംഗ കേസില് ജയിലില് കഴിയുന്ന രാഹുല് മാങ്കൂട്ടത്തില് എംഎല്എയ്ക്ക് ജാമ്യം. എംഎല്എയുടെ ജാമ്യാപേക്ഷയില് പത്തനംതിട്ട സെഷന്സ് കോടതിയാണ് ജാമ്യം അനുവദിച്ചത്. ജാമ്യം നിഷേധിച്ച മജിസ്ട്രേറ്റ് കോടതി ഉത്തരവിനെതിരെ രാഹുല് നല്കിയ അപ്പീല് പരിഗണിച്ചാണ് സെഷന്സ് കോടതി നടപടി. രാഹുലിന് എതിരായ ആദ്യ രണ്ടു ബലാത്സംഗ കേസുകളില് കോടതികള് അറസ്റ്റ് തടഞ്ഞിട്ടുണ്ട്.
കഴിഞ്ഞ ദിവസം ജാമ്യാപേക്ഷ പരിഗണിച്ചപ്പോള് ഡിജിറ്റല് തെളിവുകളുടെ ആധികാരികത സംബന്ധിച്ച് കോടതി സംശയമുന്നയിച്ചിരുന്നു. പരാതിക്കാരിയുമായി ഉഭയസമ്മതപ്രകാരമുള്ള ബന്ധമാണുണ്ടായിരുന്നതെന്ന് സ്ഥാപിക്കാനായിരുന്നു പ്രതിഭാഗം ശ്രമിച്ചത്. നിലവില് രണ്ടാഴ്ചയില് അധികമായി ജയിലില് കഴിയുകയാണ് രാഹുല് മാങ്കൂട്ടത്തില്.
