എറണാകുളത്തെ ബാറിലെ വെടിവയ്‌പ്; പ്രതികള്‍ക്കായി തെരച്ചില്‍

 എറണാകുളത്തെ ബാറിലുണ്ടായ വെടിവയ്പില്‍ പ്രതികള്‍ക്കായി തെരച്ചില്‍ തുടരുന്നു. പ്രതികളുടെ വാഹനം പൊലീസ് തിരിച്ചറിഞ്ഞിട്ടുണ്ട്.

തൊടുപുഴ സ്വദേശിയുടെ അൻവർ ബിലാലിന്റെ പേരിലാണ് വാഹനം രജിസ്റ്റർ ചെയ്തിരിക്കുന്നത്. കത്രിക്കടവ് ഇടശേരി ബാറിന് സമീപം ഇന്നലെ രാത്രി പതിനൊന്നുമണിയോടെയായിരുന്നു സംഭവം. മദ്യപിക്കാനെത്തിയ സംഘത്തിലെ ഒരാളാണ് എയർ പിസ്റ്റള്‍ ഉപയോഗിച്ച്‌ വെടിയുതിർത്തത്. മദ്യം നല്‍കുന്നതുമായി ബന്ധപ്പെട്ടുള്ള തർക്കമാണ് ആക്രമണത്തിലേക്ക് നയിച്ചത്.

ആക്രമണത്തില്‍ ബാർ ജീവനക്കാരായ സിജിൻ, അഖില്‍ എന്നിവർക്ക് പരിക്കേറ്റു. ഇവരെ സ്വകാര്യ ആശുപത്രിയില്‍ പ്രവേശിപ്പിച്ചു.