പിന്നണി ഗായിക സംഗീത സചിത്ത് അന്തരിച്ചു. തിരുവനന്തപുരത്ത് പുലര്‍ച്ചെയായിരുന്നു അന്ത്യം. വൃക്കരോഗത്തെ തുടര്‍ന്ന് ചികിത്സയിലായിരുന്നു. 46 വയസായിരുന്നു. തമിഴ് ചിത്രമായ നാളൈതീര്‍പ്പിലൂടെയാണ് പിന്നണിഗാന രംഗത്ത് അരങ്ങേറ്റം കുറിച്ചത്. പിന്നീട് മലയാളം, തമിഴ്, തെലുങ്ക്, കന്നഡ ഭാഷകളില്‍ 200ഓളം ചിത്രങ്ങളില്‍ പാടി. എന്ന് സ്വന്തം ജാനകിക്കുട്ടിയിലെ അമ്പിളി പൂവട്ടം പൊന്നുരുളി എന്ന ഗാനമാണ് മലയാളത്തില്‍ ആദ്യമായി പാടിയ ഗാനം.
കാക്കക്കുയില്‍, പഴശ്ശിരാജ, അയ്യപ്പനും കോശിയും, രാക്കിളിപ്പാട്ട് തുടങ്ങിയ ചിത്രങ്ങളിലെ ഹിറ്റ് ഗാനങ്ങള്‍ ആലപിച്ചു. തമിഴിലും മലയാളത്തിലുമായി നൂറിലേറെ ഓഡിയോ ആല്‍ബങ്ങളില്‍ പാടിയിട്ടുണ്ട്. അടുക്കളയില്‍ പണിയുണ്ട് എന്ന ചിത്രത്തിന് സംഗീതസംവിധാനം നിര്‍വഹിച്ചു. കോട്ടയം നാഗമ്പടം ഈരയില്‍ പരേതനായ വി.ജി.സചിത്തിന്റെയും രാജമ്മയുടെയും മകളാണ്. സംസ്‌കാരം വൈകിട്ട് മൂന്നു മണിക്ക് തൈക്കാട് ശാന്തി കവാടത്തില്‍.
Content Highlight: singer sangeetha sachith passes away
Trending Now
കേരളത്തിന് സമീപം ചക്രവാത ചുഴി; മഴ ശക്തമാകും
You may also like
