നവരാത്രി ആഘോഷത്തിനിടെ കല്ലേറ്; ആറുപേര്‍ക്ക് പരിക്ക്

ഗുജറാത്തിലെ ഖേഡയില്‍ നവരാത്രി ആഘോഷത്തിനിടെ കല്ലേറില്‍ ആറ് പേര്‍ക്ക് പരിക്ക്. തിങ്കളാഴ്ച രാത്രി ഉന്ധേല ഗ്രാമത്തിലെ നവരാത്രി ആഘോഷത്തിനിടെയാണ് ആക്രമണമുണ്ടായത്. ഒരു ക്ഷേത്രവും പള്ളിയും അടുത്തടുത്ത് സ്ഥിതി ചെയ്യുന്ന പ്രദേശത്താണ് ആക്രമണം നടന്നത്.

ആറു പേരെ പൊലീസ് കസ്റ്റഡിയിലെടുത്തതായി അധികൃതര്‍ അറിയിച്ചു. പ്രദേശത്ത് വന്‍ പൊലീസ് സന്നാഹത്തെ വിന്യസിച്ചിട്ടുണ്ട്.

ആദ്യം പരിപാടിക്കിടെ സംഘം ശല്യമുണ്ടാക്കാന്‍ തുടങ്ങിയതായും പിന്നീട് ആണ് കല്ലേറുണ്ടായത്. പ്രദേശവാസികളായ ആരിഫ്, സാഹിര്‍ എന്നിവരാണ് പ്രശ്‌നങ്ങളുണ്ടാക്കിയതെന്നും പൊലീസ് പറഞ്ഞു. എല്ലാ പ്രതികളെയും തിരിച്ചറിഞ്ഞെന്നും കര്‍ശന നടപടിയെടുക്കുമെന്നും പൊലീസ് അറിയിച്ചു.