തെരുവുനായ കുറുകെചാടി; ബൈക്ക് യാത്രികന് പരിക്ക്

കോട്ടയം ജില്ലയിലെ വൈക്കത്ത് തെരുവുനായ സ്‌കൂട്ടറിന് കുറുകെചാടിയുണ്ടായ അപകടത്തില്‍ യുവ അഭിഭാഷകന് പരിക്കേറ്റു. വൈക്കം ബാറിലെ യുവ അഭിഭാഷകനായ മടിയത്തറ അഭയയില്‍ കാര്‍ത്തിക് ശാരംഗ(26)നാണ് പരിക്കു പറ്റിയത്. ശനിയാഴ്ച്ച വൈകീട്ട് ആറുമണിയോടെ വൈക്കം വടക്കേനട കൊച്ചാലുംചുവടു ഭാഗത്താണ് സംഭവം നടന്നത്.

സ്‌കൂട്ടറില്‍ സഞ്ചരിക്കവേ തെരുവു നായ കുറുകെ ചാടിയതോടെ കാര്‍ത്തിക്കും സ്‌കൂട്ടറും നിലത്തു വീഴുകയായിരുന്നു. പെട്ടെന്നുണ്ടായ വീഴ്ച്ചയില്‍ കാര്‍ത്തികിന്റെ രണ്ട് പല്ലുകള്‍ നഷ്ടമായി. കൂടാതെ യുവാവിന്റെ വലതു കാല്‍മുട്ടിനും കൈകള്‍ക്കും മുഖത്തും പരിക്ക് പറ്റിയിട്ടുണ്ട്.

Content Highlights – Stray dog attack in Kottayam