കോട്ടയത്ത് തെരുവുനായയുടെ ആക്രമണം; ഏഴ് പേര്‍ക്ക് കടിയേറ്റു

കോട്ടയം തലയോലപ്പറമ്പില്‍ തെരുവുനായയുടെ ആക്രമണത്തില്‍ ഏഴു പേര്‍ക്ക് പരിക്കേറ്റു. പേവിഷബാധ ഉണ്ടെന്ന് സംശയിക്കുന്ന നായ നിരവധി വളര്‍ത്തു നായകളെയും കടിച്ചിട്ടുണ്ട്. ഒരാള്‍ക്ക് മുഖത്തും വേറെയോരാള്‍ക്ക് വയറിലുമാണ് കടിയേറ്റത്. വ്യഴാഴ്ച്ച രാവിലെയാണ് സംഭവം നടന്നത്. പേവിഷബാധ ഉണ്ടെന്ന് സംശയിക്കുന്ന നായ പിന്നീട് വണ്ടിയിടിച്ച് ചത്തു.

തലയോലപ്പമ്പിലെ മാര്‍ക്കറ്റ് പരിസരത്തു വച്ചായിരുന്നു നായയുടെ ആക്രമണം ഉണ്ടായത്. മറ്റുള്ള ആളുകള്‍ക്ക് കൈയ്യ്ക്കും കാലിനുമാണ് കടിയേറ്റത്,

നായയുടെ പരാക്രമത്തിന് പിന്നാലെ നാട്ടുകാര്‍ നായയെ ഓടിക്കാന്‍ ശ്രമിച്ചു. അതിനിടെയാണ് നായ വണ്ടിയിടിച്ച് ചത്തത്. നായയുടെ മൃതദേഹം പോസ്റ്റ്‌മോര്‍ട്ട ചെയ്യും.

Content Highlights – Stray dog ​​attack in Kottayam, Seven people were bitten