‘അഭയം തേടി വന്നവര്‍’; രാഹുലിനെയും പ്രിയങ്കയെയും അവഹേളിച്ച് മുസ്ലിം ലീഗ് നേതാവ്
National Desk
Posted On October 10, 2025
0
6 Views
കോണ്‍ഗ്രസ് നേതാക്കളായ രാഹുല്‍ ഗാന്ധിയെയും പ്രിയങ്ക ഗാന്ധിയെയും അവഹേളിച്ച് കൊണ്ട് മുസ്ലിം ലീഗ് നേതാവിന്റെ കുറിപ്പ്. മുസ്ലിം ലീഗ് കൊടുവള്ളി മണ്ഡലം സെക്രട്ടറി കെ കെ എ ഖാദറാണ് ഈ വിവാദ പരാമര്‍ശം നടത്തിയത്. എംഎസ്എഫിനെ വര്‍ഗീയ വാദികളാക്കിയുള്ള കെഎസ്‌യു ബാനറിനെ വിമര്‍ശിച്ചുള്ള സോഷ്യല്‍ മീഡിയ പോസ്റ്റിലാണ് വിവാദ പരാമര്‍ശം. ഇവർ അഭയം തേടി വന്നവരെന്നാണ് ആക്ഷേപം.
‘ഇന്ദിരയുടെ പേരകുട്ടികള്‍ക്ക് ഈ അശാന്തിയുടെ കാലത്ത് തണലേകിയ ഞങ്ങളുടെ മതേതരത്ത്വത്തിന് നിങ്ങളുടെ പുതിയ സര്‍ട്ടിഫിക്കറ്റിന്റെ ആവശ്യമില്ല..’ എന്നാണ് കുറിപ്പിലെ പരാമര്‍ശം. ഒരു തെരഞ്ഞെടുപ്പുകൊണ്ട് ലോകം അവസാനിക്കില്ലെന്നും കെഎംഒ കോളജിലെ പരാജയത്തില്‍ വീഴ്ച അന്വേഷിക്കുമെന്നും കെകെഎ ഖാദര്‍ ഫേസ്ബുക്കില്‍ കുറിച്ചു.
