നായയുടെ ആക്രമണത്തില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ സ്‌കൂട്ടറില്‍ നിന്ന് വീണ് യുവതിക്ക് പരിക്ക്

തെരുവുനായ ആക്രമണത്തില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ സ്‌കൂട്ടറില്‍ നിന്ന് വീണ് യുവതിക്ക് പരിക്ക്. തൃശ്ശൂര്‍ തിപ്പിലശ്ശേരി സ്വദേശി ഷൈനയ്ക്കാണ് പരിക്കേറ്റത്. ഭിന്നശേഷിക്കാരിയായ യുവതിയെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.

ഭര്‍ത്താവിനൊപ്പം സ്‌കൂട്ടറില്‍ സഞ്ചരിക്കുന്നതിനിടെയാണ് സംഭവമുണ്ടായത്. നായ ആക്രമിക്കാന്‍ ശ്രമിച്ചപ്പോള്‍ കയ്യിലുണ്ടായിരുന്ന ബാഗു കൊണ്ട് ചെറുക്കാന്‍ ഷൈന ചെറുക്കുകയും സ്‌കൂട്ടറില്‍ നിന്ന് വീഴുകയുമായിരുന്നു.

വീഴ്ചയില്‍ പരിക്കേറ്റ യുവതിയെ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ലെന്നാണ് സൂചന.