ഓടയില്‍ വീണ ബൈക്ക് യാത്രക്കാരന്റെ തലയില്‍ കമ്പി കുത്തിക്കയറി

മൂടിയില്ലാത്ത ഓടയില്‍ വീണ ബൈക്ക് യാത്രക്കാരന്റെ തലയില്‍ കമ്പി കുത്തിക്കയറി. വള്ളിക്കോട് പനയക്കുന്ന് മുരുപ്പില്‍ മുശാരേത്ത് ബാലകൃഷ്ണന്‍ നായരുടെ മകന്‍ യദുകൃഷ്ണന്‍ (34) ആണ് അപകടത്തില്‍പെട്ടത്. വള്ളിക്കോട് തിയറ്റര്‍ ജംക്ഷനില്‍ ഇന്നലെ രാവിലെ 10.30നാണ് അപകടം സംഭവിച്ചത്.

അശാസ്ത്രീയമായി നിര്‍മിച്ച ഓടയില്‍ വീണാണ് യുവാവിന് പരിക്കു പറ്റിയത്. യുവാവിനൊപ്പം ബൈക്കില്‍ യാത്രചെയ്ത ബന്ധുവായ രണ്ടു വയസുകാരന്‍ കാശിനാഥ് നിസാര പരിക്കക്കുകളോടെ രക്ഷപ്പെട്ടു.

തലയില്‍ കമ്പി കുത്തിക്കയറിയ നിലയിലാണ് യദുവിനെ നാട്ടുകാര്‍ കാണുന്നത്. ആദ്യം പത്തനംതിട്ടയിലും പിന്നീട് കോഴഞ്ചേരിയിലെ സ്വകാര്യ ആശുപത്രിയിലും കൊണ്ടു പോയെങ്കിലും പരിക്ക് ഗുരുതരമായതിനാല്‍ മെഡിക്കല്‍ കോളേജിലേക്ക് മാറ്റുകയായിരുന്നു.

Content Highlights – Young man injured gravely in bike accident Pathanamthitta