താമരശ്ശേരിയില്‍ വ്യാപാരിയെ തട്ടിക്കൊണ്ടുപോയ കേസില്‍ രണ്ടു പേര്‍ കൂടി അറസ്റ്റില്‍

താമരശ്ശേരിയില്‍ വ്യപാരിയെ തട്ടിക്കൊണ്ടുപോയ കേസില്‍ രണ്ടു പേര്‍ കൂടി അറസ്റ്റില്‍. മലപ്പുറം രണ്ടത്താണി സ്വദേശികളായ ഫവാസ്, സാബിത് എന്നിവരാണ് അറസ്റ്റിലായത്. വിദേശത്തുവെച്ചുണ്ടായ പണമിടപാട് തര്‍ക്കത്തെത്തുടര്‍ന്നാണ് വ്യാപാരിയായ മുഹമ്മദ് അഷ്‌റഫിനെ തട്ടിക്കൊണ്ടുപോയത്.

അറസ്റ്റിലായവര്‍ തട്ടിക്കൊണ്ടുപോയ സംഘത്തില്‍ ഉള്‍പ്പെട്ടവരാണെന്ന് പോലീസ് അറിയിച്ചു. നവംബര്‍ 22-നായിരുന്നു സംഭവം. തട്ടിക്കൊണ്ടുപോയ അഷറഫിനെ ദിവസങ്ങള്‍ക്കു ശേഷം ആറ്റിങ്ങലില്‍ ഉപേക്ഷിച്ചു. ഒളിവിലായിരുന്ന ഒന്നാം പ്രതി അലി ഉബൈറാനെയും രണ്ടാംപ്രതി നൗഷാദിനെയും നേരത്തെഅന്വേഷണസംഘം പിടികൂടിയിരുന്നു