വൈന്‍ ആന്‍ഡ് ബിയര്‍ പാര്‍ലറില്‍ യുവാവിനെ വെട്ടിക്കൊല്ലാന്‍ ശ്രമിച്ചയാള്‍ പിടിയില്‍
News Desk
Posted On August 16, 2022
ആമ്പല്ലൂര്‍ കാഞ്ഞിരമറ്റം വൈന്‍ ആന്‍ഡ് ബിയര്‍ പാര്‍ലറില്‍ വച്ച് യുവാവിനെ വെട്ടി കൊലപ്പെടുത്താന്‍ ശ്രമിച്ച കേസ്സിലെ ഒന്നാം പ്രതി അറസ്റ്റില്‍. എടക്കാട്ടുവയല്‍ വറുങ്ങിന്‍ ചുവട് ചെറുകുന്നേല്‍ വീട്ടില്‍ ജിനേഷ് (28) ആണ് മുളന്തുരുത്തി പോലീസിന്റെ പിടിയിലായത്. ഇയാളുടെ അറസ്റ്റ് രേഖപ്പെടുത്തി. സംഭവവുമായി ബന്ധപ്പെട്ട് അഞ്ച് പേര്‍ നേരത്തെ പിടിയിലായിരുന്നു.
വൈറ്റില ഹബ്ബില്‍ നിന്നാണ് ഇന്‍സ്‌പെക്ടര്‍ പി.എസ് ഷിജുവും സംഘവും ചേര്‍ന്ന് പ്രതിയെ പിടികൂടിയത്. മുന്‍ പരിചയക്കാര്‍ ആയിരുന്ന പ്രതികളും വെട്ടേറ്റ റിനാസും തമ്മില്‍ പണം കൊടുത്തതുമായി ബന്ധപ്പെട്ട് വഴക്കുണ്ടാക്കുകയും, കയ്യില്‍ കരുതിയിരുന്ന ആയുധമുപയോഗിച്ച് പ്രതികള്‍ റിനാസിന്റെ തലയിലും മുതുകിലും കയ്യിലും വെട്ടുകയായിരുന്നു.
അന്വേഷണസംഘത്തില്‍ എസ് ഐ മാരായ എസ്.എന്‍.സുമിത, കൃഷ്ണകുമാര്‍, സുരേഷ് കുമാര്‍, അജിത്ത്കുമാര്‍, അജി, എ എസ് ഐ സന്തോഷ്, എസ് സി പി ഒമാരായ വിനു, അനില്‍കുമാര്‍, രൂപേഷ്‌കുമാര്‍, രാകേഷ്, റജിന്‍ പ്രസാദ്, മിഥുന്‍ തമ്പി എന്നിവരും ഉണ്ടായിരുന്നു. പ്രതികളെ കസ്റ്റഡിയില്‍ വാങ്ങി കൂടുതല്‍ അന്വേഷണം നടത്തുമെന്ന് പുത്തന്‍കുരിശ് ഡിവൈഎസ് പി അജയ് നാഥ് അറിയിച്ചു.
Content Highlights – Accused arrested for trying to kill youth in wine and beer parlour
Trending Now
