ബിഗ്ബോസ് താരം റോബിൻ സിനിമയിലേക്ക്, ചിത്രത്തിന്റെ നിർമാണം സന്തോഷ് ടി കുരുവിള

ബിഗ് ബോസ് റിയാലിറ്റി ഷോയിലൂടെ താരമായ ഡോക്ടർ റോബിൻ രാധാകൃഷ്ണൻ സിനിമാരംഗത്തേക്ക് പ്രവേശിക്കുന്നു. പ്രശസ്ത നിർമാതാവായ സന്തോഷ് ടി കുരുവിള നിർമിക്കുന്ന ചിത്രത്തിലാണ് റോബിന്റെ വെള്ളിത്തിരയിലെ അരങ്ങേറ്റം

പ്രൊഡക്ഷൻ നമ്പർ 14 റോബിന്റെ പോസ്റ്റർ പുറത്തുവിട്ടു. മോഹൻലാലിന്റെ ഫേസ്ബുക്ക് പേജിലൂടെയാണ് പോസ്റ്റർ റിലീസ് ചെയ്തത്.

റോബിൻ രാധാകൃഷ്ണൻ മികച്ചൊരു പ്രതിഭയാണ്. ചെറിയ ഒരു കാലം കൊണ്ട് നിരവധി ആരാധകരെ ഉണ്ടാക്കിയെടുക്കുക അത്ര എളുപ്പമല്ല. അത് നിസാരമായി നേടിയ ആളാണ് റോബിൻ എന്നും സന്തോഷ് ടി കുരുവിള ഫേസ്ബുക്ക് പോസ്റ്റിൽ പറയുന്നു.എല്ലാ കാലത്തും ന്യൂജെൻ വന്നുകൊണ്ടിരിക്കും അങ്ങനെ വരുന്നവരെ പ്രോത്സാഹിപ്പിക്കേണ്ടത് സിനിമാ പ്രവർത്തകരാണ് അങ്ങനെയാണ് സിനിമാ വ്യവസായം നിലനിന്നു പോവുന്നതെന്നും അദ്ദേഹം പറയുന്നു.

തിരുവനന്തപുരം ജി ജി ആശുപത്രിയിലെ ഡ്യൂട്ടി മെഡിക്കൽ ഓഫീസറാണ് ഡോ. റോബിൻ രാധാകൃഷ്ണൻ. ബിഗ്ബോസിൽ നിന്ന് എലിമിനേറ്റ് ആയി തിരുവനന്തപുരത്തെത്തിയ റോബിന് വലിയസ്വീകരണമാണ് ആരാധകർ ഒരുക്കിയത്.

Content Highlights: Big Boss star Robin Malayalam movie