മുഖ്യമന്ത്രി നാളെ കണ്ണൂരില്‍; കനത്ത സുരക്ഷയൊരുക്കി പൊലീസ്

മുഖ്യമന്ത്രി പിണറായി വിജയന്‍ നാളെ പൊതു പരിപാടിയില്‍ പങ്കെടുക്കാന്‍ കണ്ണൂരിലെത്തും. കണ്ണൂര്‍- തളിപ്പറമ്പ് പാതയില്‍ ഗതാഗത നിയന്ത്രണം ഉണ്ടാകും.

തളിപ്പറമ്പ് മന്ന മുതല്‍ പൊക്കുണ്ട് വരെയാണ് ഗതാഗത നിയന്ത്രണം ഏര്‍പ്പെടുത്തിയത്. രാവിലെ ഒമ്പത് മണി മുതല്‍ ഉച്ചയ്ക്ക് 12 മണിവരെയാണ് നിയന്ത്രണം.

സംസ്ഥാനത്ത് മുഖ്യമന്ത്രി പങ്കെടുത്ത് പരിപാടികളില്‍ പ്രതിഷേധം ശക്തമാവുകയാണ്. ഇന്ന് യൂത്ത് കോണ്‍ഗ്രസ് പ്രവര്‍ത്തകരും ലീഗ് പ്രവര്‍ത്തകരും മുഖ്യമന്ത്രിയുടെ വാഹനത്തിനു നേരെ കരിങ്കൊടി വീശിയിരുന്നു. കനത്ത സുരക്ഷയൊരുക്കിയെങ്കിലും പലയിടങ്ങളിലും പ്രതിപക്ഷം പ്രതിഷേധവുമായി രംഗത്തെത്തി.

Content Highlights – CM Pinarayi Vijayan, Arrive in Kannur to attend a public function