കരിങ്കൊടി സമരങ്ങൾക്കെതിരെ കോടിയേരി ബാലകൃഷ്ണൻ

കരിങ്കൊടി പ്രതിഷേധത്തെ വിമർശിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. കരിങ്കൊടി പ്രതിഷേധ മുദ്രാവാക്യം അർത്ഥശൂന്യമാണെന്ന് ദേശാഭിമാനി ദിനപത്രത്തിൽ എഴുതിയ ലേഖനത്തിൽ അദ്ദേഹം പറഞ്ഞു. നീതിയുക്തമായ പ്രതിഷേധങ്ങളോട് സർക്കാരിന് എതിർപ്പില്ല. ആലപ്പുഴ ജില്ലാ കളക്ടറെ മാറ്റിയത് ചൂണ്ടിക്കാണിച്ച് പൊതുജന പ്രതിഷേധം അംഗീകരിക്കുന്ന സർക്കാരാണിതെന്നും കോടിയേരി പറഞ്ഞു.

ജൂലൈ 29ന് കാക്കനാട്ട് മുഖ്യമന്ത്രിയുടെ കാറിന് മുന്നിലെ പൊലീസ് വലയം തകർത്ത് മുഖ്യമന്ത്രിയെ ലക്ഷ്യമിട്ട് അദ്ദേഹം ഇരുന്ന സ്ഥലത്തെ ഗ്ലാസ് തകർക്കാൻ തുനിഞ്ഞ ക്രിമിനൽ നടപടിയെ ആർക്കാണ് വിവരിക്കാൻ കഴിയുകയെന്നും കോടിയേരി ചോദിച്ചു. മുഖ്യമന്ത്രിയെ ലക്ഷ്യമിട്ട് വാഹനം തടഞ്ഞുനിർത്തി ചില്ല് പൊട്ടിക്കാൻ ശ്രമിച്ച അക്രമി പോക്സോ ഉൾപ്പെടെ ഇരുപതോളം കേസുകളിൽ പ്രതിയാണ്. സോണി ജോർജ് എന്ന ഇയാൾ യൂത്ത് കോൺഗ്രസ് നേതാവാണ്. അത്തരമൊരു സംഭവം പ്രധാനമന്ത്രിക്കോ മറ്റേതെങ്കിലും സംസ്ഥാനത്തെ മുഖ്യമന്ത്രിക്കോ എതിരായിരുന്നെങ്കിൽ ഭരണപരവും തുടർനടപടികളും എന്താകുമായിരുന്നുവെന്ന് സങ്കൽപ്പിക്കുക, കോടിയേരി കുറിച്ചു.

കോൺഗ്രസ് സ്വീകരിച്ച സമര രീതി തികച്ചും ജനാധിപത്യ വിരുദ്ധമാണ്. മുഖ്യമന്ത്രി സഞ്ചരിച്ച വിമാനത്തിൽ ‘അക്രമസംഭവം’ സൃഷ്ടിക്കാനുള്ള കോൺഗ്രസ്-യൂത്ത് കോൺഗ്രസ് നേതൃത്വത്തിന്‍റെ ഗൂഡാലോചന മുതൽ കാക്കനാട് സംഭവം വരെ ഏറ്റവും പ്രാകൃതമായ പ്രതിഷേധ രൂപങ്ങളാണ്. വിമാനത്തിൽ കയറിയവർ ഉരിപ്പിടത്തിൽ ഇരുന്നല്ല പ്രതിഷേധിച്ചത്. അവർ മുഖ്യമന്ത്രിയുടെ അടുത്തേക്ക് ഓടി ചെല്ലുകയായിരുന്നില്ലെ? ഉദ്ദേശ്യം സമാധാനപരമായിരുന്നെങ്കിൽ, ആ രീതി പിന്തുടരില്ലായിരുന്നു. ജനാധിപത്യം നിലനിൽക്കുന്ന ഒരു നാടിന് ഇത്തരം അരാജക സമര രീതികൾ യോജിച്ചതല്ലെന്നും കോടിയേരി പറഞ്ഞു.

Content Highlights: Kodiyeri Balakrishnan, black flag protests,