വാടക ഗര്‍ഭധാരണത്തിന് തയ്യാറായിരുന്നു, ഷാജ് കിരണിനെ വര്‍ഷങ്ങളായി അറിയാമെന്ന് സ്വപ്‌ന; ശബ്ദരേഖ പുറത്തു വിടുന്നു

സ്വപ്‌ന സുരേഷും ഷാജ് കിരണുമായുള്ള സംഭാഷണത്തിന്റെ ശബ്ദരേഖ പുറത്തു വിട്ടു. പാലക്കാട് എച്ച്ആര്‍ഡിഎസ് ഓഫീസില്‍ വെച്ച് മാധ്യമങ്ങള്‍ക്ക് മുന്നിലാണ് സ്വപ്‌ന ശബ്ദരേഖ പുറത്തുവിട്ടത്. ഒന്നര മണിക്കൂര്‍ നീളുന്ന ശബ്ദരേഖയാണ് പുറത്തു വിടുന്നത്. ഷാജ് കിരണിനെ നേരത്തേ അറിയാമായിരുന്നുവെന്ന് സ്വപ്‌ന മാധ്യമങ്ങളോട് പറഞ്ഞു. മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറാണ് ഷാജിനെ പരിചയപ്പെടുത്തിയത്. വാടക ഗര്‍ഭധാരണത്തിന് താന്‍ തയ്യാറായിരുന്നുവെന്നും സ്വപ്‌ന വെളിപ്പെടുത്തി. ഇത് പണത്തിനു വേണ്ടിയല്ല. ഷാജ് കിരണിന്റെ ഭാര്യയുടെ വേദന മനസിലാക്കിക്കൊണ്ടായിരുന്നുവെന്നും സ്വപ്‌ന കൂട്ടിച്ചേര്‍ത്തു.

കോടതിയില്‍ രഹസ്യമൊഴി നല്‍കിയതിന് ശേഷം കൊച്ചിയില്‍ വെച്ച് ഷാജിനെ കണ്ടു. തന്നെ നിര്‍ബന്ധമായി കാണണമെന്ന് പറഞ്ഞതനുസരിച്ചാണ് കണ്ടത്. ഇബ്രാഹിമിനൊപ്പമാണ് ഷാജ് കാണാനെത്തിയത്. തന്നെ ഭീഷണിപ്പെടുത്തിയത് ഷാജ് ആണെന്നും ഷാജ് മുന്നറിയിപ്പ് നല്‍കിയതു പോലെ പിറ്റേന്ന് സരിത്തിനെ തട്ടിക്കൊണ്ടുപോയെന്നും സ്വപ്‌ന പറഞ്ഞു. സരിത്തിനെ പൊക്കുമെന്ന് ഷാജ് ആണ് പറഞ്ഞത്. അതിനാലാണ് സരിത്തിനെ കാണാതായപ്പോള്‍ ഷാജിനെ വിളിച്ചത്.

ഷാജിനെതിരെ രൂക്ഷമായ ആരോപണങ്ങളും സ്വപ്‌ന ഉന്നയിച്ചു. പല കമ്പനികളുടെയും ഡയറക്ടര്‍ ബോര്‍ഡില്‍ ഷാജ് ഉണ്ട്. വീണയെക്കുറിച്ച് പറയേണ്ട ആവശ്യമുണ്ടായിരുന്നോ എന്ന് ഷാജ് ചോദിച്ചു. മകളെക്കുറിച്ച് പറഞ്ഞാല്‍ അദ്ദേഹം സഹിക്കില്ലെന്ന് ഷാജ് പറഞ്ഞായും സ്വപ്‌ന പറഞ്ഞു.

Content Highlights: Swapna Suresh, Audio Record, Sahj Kiran