പൊലീസിന്റെ സഹായം വേണ്ട; ജലീലിനെതിരായ മൊഴി പുറത്ത് വിടുമെന്ന് സ്വപ്‌ന സുരേഷ്

സ്വര്‍ണക്കടത്ത് കേസില്‍ മുന്‍ മന്ത്രി കെ ടി ജലീലിനെ കുറിച്ചു നല്‍കിയ രഹസ്യ മൊഴി ഉടന്‍ വെളിപ്പെടുത്തുമെന്ന് സ്വപ്‌ന സുരേഷ്. തനിക്കെതിരെ ഗൂഢാലോചന നടത്തിയത് കെ ടി ജലീല്‍ ഉള്‍പ്പെടെയുള്ളവരാണെന്ന് സ്വപ്‌ന പറഞ്ഞു. കൂടാതെ തന്നെ നീരീക്ഷിക്കാന്‍ നിയോഗിച്ച പൊലീസുകാരെ പിന്‍വലിക്കണമെന്നും സ്വപ്ന ആവശ്യപ്പെട്ടു. സര്‍ക്കാരിന്റെ സുരക്ഷ തനിക്ക് ആവശ്യമില്ലെന്നും തനിക്ക് സ്വന്തമായി ബോഡി ഗാര്‍ഡ് ഉണ്ടെന്നും സ്വപ്‌ന അറിയിച്ചു.

കെടി ജലീലിന്റെ പരാതിയില്‍ തിരുവനന്തപുരം കണ്‍ഡോണ്‍മെന്റ് പൊലീസ് രജിസ്റ്റര്‍ ചെയ്ത കേസ് റദ്ദാക്കണമെന്ന് ആവശ്യപ്പെട്ട് ചൊവ്വാഴ്ച്ച കോടതിയെ സമീപിക്കുമെന്ന് സ്വപ്‌ന അറിയിച്ചിരുന്നു. ഇതിനു മുന്നോടിയായി അഡ്വ. കൃഷ്ണരാജുമായി സ്വപ്‌ന മാധ്യമങ്ങളുമായി അഭിമുഖം നടത്തിയത്.

Content highlights – Swapna Suresh, Secret statement about former minister KT Jaleel will be revealed soon