മെട്രോ പില്ലറിലേക്ക് ബൈക്ക് ഇടിച്ചു കയറി; കൊച്ചിയില്‍ യുവാവിന് ദാരുണാന്ത്യം

ബൈക്ക് മെട്രോ പില്ലറിലേക്ക് ഇടിച്ചു കയറി യുവാവ് മരിച്ചു. ആലപ്പുഴ ചേര്‍ത്തല കടയ്ക്കരപ്പള്ളി സ്വദേശി ശ്യാം മനോഹരന്‍ (25) ആണ് മരിച്ചത്. കളമശ്ശേരിയില്‍ ഇന്നലെ രാത്രി പതിനൊന്ന് മണിക്കായിരുന്നു അപകടം.

അപകടത്തില്‍ രണ്ട് പേര്‍‌ക്ക് പരിക്കേറ്റു. കടയ്ക്കരപ്പള്ളി സ്വദേശികളായ ഋഷി ധര്‍മജന്‍ (20), സേതു ചന്ദ്രസേനന്‍ (25) എന്നിവര്‍ക്കാണ് പരുക്കേറ്റത്. ആലപ്പുഴ ഭാഗത്തേക്കു പോകുമ്ബോഴാണ് അപകടമുണ്ടായത്.

പരിക്കേറ്റവരെ ഉടന്‍ ആശുപത്രിയില്‍ പ്രവേശിപ്പിച്ചെങ്കിലും ഗുരുതരമായി പരിക്കേറ്റ ശ്യാം പുലര്‍ച്ചെ നാല് മണിയോടെ മരിച്ചു. പരിക്കേറ്റ മറ്റുള്ളവരുടെ ആരോഗ്യനില തൃപ്തികരമാണെന്ന് പൊലീസ് അറിയിച്ചു.