മത്സരയോട്ടത്തിനിടെ തന്നെ ഇടിച്ചു വീഴ്ത്താന്‍ ശ്രമിച്ച ബസ് തടഞ്ഞു നിര്‍ത്തി പെണ്‍കുട്ടി

പാലക്കാട് മത്സരയോട്ടത്തിനിടെ തന്നെ ഇടിച്ചുവീഴ്ത്താന്‍ ശ്രമിച്ച ബസ് തടഞ്ഞു നിര്‍ത്തി പെണ്‍കുട്ടി. പാലക്കാട് കൂറ്റനാടിന് സമീപം പെരുമണ്ണൂരിലാണ് സംഭവം. സാന്ദ്ര എന്ന യുവതിയാണ് ഒന്നര കിലോമീറ്റര്‍ സ്‌കൂട്ടറില്‍ പിന്തുടര്‍ന്നെത്തി ബസ് തടഞ്ഞു നിര്‍ത്തിയത്.

പാലക്കാട്-ഗുരുവായൂര്‍ റൂട്ടില്‍ സര്‍വീസ് നടത്തുന്ന രാജപ്രഭ എന്ന ബസ് സാന്ദ്രയുടെ സ്‌കൂട്ടറിന് പിന്നില്‍ ഉരസുകയും നിര്‍ത്താതെ മുന്നോട്ടു പായുകയുമായിരുന്നു. സാന്ദ്രയുടെ സ്‌കൂട്ടറിനെ മറികടക്കുന്നതിനിടെ എതിര്‍ ദിശയില്‍ വന്ന ലോറിയെ ഒഴിവാക്കുന്നതിനിടെയായിരുന്നു അപകടം.

ബസ് തടഞ്ഞു നിര്‍ത്തുമ്പോള്‍ ഡ്രൈവറുടെ ചെവിയില്‍ ഹെഡ്‌ഫോണ്‍ വെച്ചിട്ടുണ്ടായിരുന്നെന്ന് സാന്ദ്ര പറഞ്ഞു. പെരുമണ്ണൂര്‍ സ്വദേശിയാണ് സാന്ദ്ര.

Content Highlights –