നടന്‍ ഉല്ലാസ് പന്തളത്തിന്റെ ഭാര്യയെ തൂങ്ങി മരിച്ച നിലയില്‍ കണ്ടെത്തി

നടനും മിമിക്രി കലാകാരനുമായ ഉല്ലാസ് പന്തളത്തിന്റെ ഭാര്യ ആശയെ (38) തൂങ്ങി മരിച്ച നിലയില്‍ കണ്ടെത്തി. വീടിന്റെ മുകളിലെ നിലയില്‍ തൂങ്ങിയ നിലയിലാണ് മൃതദേഹം കണ്ടെത്തിയത്. ഭാര്യയെ കാണാനില്ലെന്ന് ഉല്ലാസ് പോലീസില്‍ വിളിച്ച് അറിയിച്ചിരുന്നു. തുടര്‍ന്ന് പോലീസ് വീട്ടിലെത്തി നടത്തിയ തെരച്ചിലിലാണ് മൃതദേഹം കണ്ടെത്തിയത്.

ഉല്ലാസ് വീട്ടിലുണ്ടായിരുന്ന സമയത്തു തന്നെയാണ് മരണം നടന്നതെന്നാണ് സൂചന. അടുത്ത കാലത്താണ് ഉല്ലാസും കുടുംബവും പുതിയ വീട്ടിലേക്ക് മാറിയത്. കഴിഞ്ഞ ദിവസം ആശയും മക്കളും വീടിന്റെ മുകള്‍ നിലയിലാണ് ഉറങ്ങിയതെന്ന് പോലീസ് പറയുന്നു. സംഭവത്തില്‍ പോലീസ് കൂടുതല്‍ അന്വേഷണം നടത്തി വരികയാണ്.