യുവധാര യൂത്ത് ലിറ്ററേച്ചര്‍ ഫെസ്റ്റിവലിന്റെ ഭാഗമായി ‘കൊച്ചി കാലിഡോസ്‌കോപ്പ്’ മെയ് 8ന് നടക്കും

കൊച്ചിയുടെ സാംസ്‌കാരിക വൈവിധ്യങ്ങളിലേക്ക് യുവതയുടെ സായാഹ്ന നടത്തം. കൊച്ചിയുടെ ചരിത്രകാരന്‍ ബോണി തോമസ് കൊച്ചി ചരിത്രം വിശദീകരിക്കും. നിരവധി സംസ്‌കാരങ്ങള്‍ ഇഴചേരുന്ന തുറമുഖ നഗരത്തിന്റെ ചരിത്രം യാത്രയില്‍ അനാവരണം ചെയ്യും. പരിപാടി മെയ് 8ന് 3.30ന് യുവജന ക്ഷേമ ബോര്‍ഡിന്റെ മുന്‍ വൈസ് ചെയര്‍മാന്‍ എസ് സതീഷ് ഫ്‌ളാഗ് ഓഫ് ചെയ്യും. യാത്രയില്‍ പങ്കെടുക്കാന്‍ താല്‍പര്യമുള്ളവര്‍ 8 ന് വൈകുന്നേരം 3ന് ഫോര്‍ട്ട് കൊച്ചി റോ റോ ബോട്ട് ജെട്ടി പരിസരത്ത് എത്തിച്ചേരണമെന്ന് യൂത്ത് ലിറ്ററേച്ചര്‍ ഫെസ്റ്റിവല്‍ സംഘാടക സമിതി വാര്‍ത്ത കുറിപ്പില്‍ അറിയിച്ചു.

പങ്കെടുക്കാന്‍ താല്പര്യമുള്ളവര്‍ ബന്ധപ്പെടേണ്ട നമ്പര്‍ – +91 90480 30264