ലാൻഡ് ചെയ്യുന്നതിന് തൊട്ടുമുൻപ് ബോംബ് ഭീഷണി; ഇൻഡിഗോ വിമാനം അടിയന്തിരമായി നിലത്തിറക്കി

 ബോംബ് ഭീഷണിയെ തുടർന്ന് ചെന്നൈ- മുംബയ് ഇൻഡിഗോ വിമാനം അടിയന്തിരമായി നിലത്തിറക്കി. ഇൻഡിഗോയുടെ 6 ഇ 5314 വിമാനമാണ് മുംബയ് വിമാനത്താവളത്തില്‍ ഇറക്കിയത്.

ചെന്നൈയില്‍ നിന്ന് പറന്നുയർന്ന വിമാനം മുംബയില്‍ ലാൻഡ് ചെയ്യാനൊരുങ്ങുന്നതിനിടെയാണ് ബോംബ് ഭീഷണി സന്ദേശം ലഭിച്ചത്.

തുടർന്ന് ക്യാബിൻ ക്രൂ പ്രോട്ടോക്കോള്‍ പിന്തുടരുകയും വിമാനം സുരക്ഷാ നിർദ്ദേശങ്ങള്‍ പ്രകാരം ഐസൊലേഷനിലാക്കുകയും ചെയ്തതായി ഇൻഡിഗോ അറിയിച്ചു.യാത്രക്കാർ സുരക്ഷിതരാണെന്നും ഉടൻ തന്നെ എല്ലാവരേയും വിമാനത്തില്‍ നിന്ന് ഒഴിപ്പിച്ചതായും അധികൃതർ അറിയിച്ചു. സുരക്ഷാ പരിശോധനകള്‍ക്ക് ശേഷം വിമാനം ടെർമിനലില്‍ എത്തിക്കുമെന്നും അധികൃതർ വ്യക്തമാക്കി.