സസ്‌പെൻസ്‌ തകർത്ത്‌ അവനെത്തുന്നു എമ്പുരാൻ;ഗംഭീര വിഷ്വല്‍ ട്രീറ്റ് സൂചന നൽകി എമ്പുരാന്റെ ടീസർ

പൃഥ്വിരാജ് സുകുമാരൻ സംവിധാനം ചെയ്യുന്ന ചിത്രം എമ്പുരാന്റെ ടീസർ പുറത്ത്.മോഹന്‍ലാലിനെ കേന്ദ്രകഥാപാത്രമാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് എമ്ബുരാന്‍.മോഹന്‍ലാല്‍ ചിത്രമായ ലീസിഫറിന്റെ രണ്ടാംഭാഗമായിട്ടാണ് ചിത്രം എത്തുന്നത്. ചിത്രത്തിന്റേതായി പുറത്തുവരുന്ന ഓരോ അപ്ഡേറ്റിനും ആരാധകർക്കിടയില്‍ നിന്ന് വലിയ സ്വീകരണമാണ് ലഭിക്കുന്നത്.

ഇപ്പോഴിതാ എല്ലാവരും കാത്തിരുന്ന സിനിമയുടെ ടീസർ അണിയറപ്രവർത്തകർ പുറത്തുവിട്ടിരിക്കുകയാണ്. ഗംഭീര വിഷ്വല്‍ ട്രീറ്റ് ആകും ചിത്രമെന്ന സൂചനയാണ് ടീസർ നല്‍കുന്നത്. വിദേശ രാജ്യങ്ങളില്‍ ചിത്രീകരിച്ച ആക്ഷൻ രംഗങ്ങള്‍ ഉള്‍പ്പടെ പ്രേക്ഷകരെ പിടിച്ചിരുത്താൻ കഴിയുന്ന എല്ലാം സിനിമയിലുണ്ടാകുമെന്ന സൂചനയാണ് ടീസർ നല്‍കുന്നത്.

ലൂസിഫറിന് എന്തായാലും ഒരു മൂന്നാം ഭാഗമുണ്ടാകുമെന്നും അത് കൂടി വന്നാലേ ആ കഥ പൂർത്തിയാകൂ എന്നും തിരക്കഥ ഒരുക്കുന്ന മുരളി ഗോപി കഴിഞ്ഞ ദിവസം കോഴിക്കോട് നടന്ന കേരള ലിറ്ററേച്ചർ ഫെസ്റ്റില്‍ പറഞ്ഞിരുന്നു.

2025 മാർച്ച്‌ 27 ന് ലോകമെമ്ബാടുമുള്ള തിയേറ്ററുകളില്‍ ‘എമ്ബുരാൻ’ എത്തും. ‘എമ്ബുരാൻ’ ലൂസിഫറിന്റെ പ്രീക്വലും സീക്വലുമാണെന്നാണ് പുറത്തുവരുന്ന റിപ്പോർട്ടുകള്‍. ചിത്രത്തില്‍ അബ്രാം ഖുറേഷിയായും സ്റ്റീഫന്‍ നെടുമ്ബള്ളിയായും പ്രത്യക്ഷപ്പെടുന്നു. മലയാളം, തമിഴ്, ഹിന്ദി, തെലുങ്ക്, കന്നഡ ഭാഷകളിലാണ് ടീസര്‍ റിലീസ് ചെയ്തത്.

പൃഥ്വിരാജ് സംവിധായക വേഷത്തിൽ അരങ്ങേറിയ ലൂസിഫർ എന്ന ഹിറ്റ് ചിത്രത്തിന്റെ സീക്വൽ ആയി ഇറങ്ങുന്ന എമ്പുരാൻ ആശിർവാദ് സിനിമാസും ലൈക്ക പ്രൊഡക്ഷൻസും ചേർന്നാണ് നിർമിക്കുന്നത്. ലൂസിഫറിന്റെ വൻ വിജയത്തിന് പിന്നാലെ 2019 ലാണ് എമ്പുരാൻ പ്രഖ്യാപിക്കുന്നത്.മുരളി ​ഗോപിയാണ് തിരക്കഥ. ഛായാഗ്രഹണം: സുജിത്ത് വാസുദേവ്. സംഗീതം: ദീപക് ദേവ്, എഡിറ്റിംഗ്: അഖിലേഷ് മോഹൻ, കലാസംവിധാനം: മോഹൻദാസ്,എന്നിവരാണ് .

ഇരുപതോളം വിദേശരാജ്യങ്ങളിലാണ് സിനിമ ചിത്രീകരിച്ചിരിക്കുന്നതെന്നാണ് വിവരം. ലൂസിഫറിലെ അഭിനേതാക്കളായ പൃഥ്വിരാജ്, ടൊവിനോ തോമസ്, മഞ്ജു വാരിയര്‍, ഇന്ദ്രജിത്ത്, ബൈജു സന്തോഷ്, സാനിയ ഇയ്യപ്പന്‍ തുടങ്ങിയവരും എമ്ബുരാനില്‍ ശക്തമായ കഥാപാത്രങ്ങളാകുന്നു.രണ്ടാംഭാഗത്തില്‍ കഥ അവസാനിക്കില്ലെന്ന സൂചന നല്‍കുകയാണ് ഇപ്പോള്‍ സംവിധായകൻ പൃഥ്വിരാജും . എമ്ബുരാന് പ്രേക്ഷകർ മികച്ച വിജയം സമ്മാനിച്ചാല്‍ മൂന്നാംഭാഗം സംഭവിക്കുമെന്ന് ടീസർ ലോഞ്ച് ചടങ്ങില്‍ സംവിധായകൻ പറഞ്ഞു.

ചടങ്ങില്‍ ചിത്രത്തെക്കുറിച്ച്‌ സംസാരിക്കവെ സദസ്സില്‍നിന്ന് നിർമാതാവ് ആന്റണി പെരുമ്ബാവൂർ തന്നെയാണ് മൂന്നാംഭാഗത്തെക്കുറിച്ച്‌ ചോദിച്ചത്. ഇതുപോലെയല്ല, കുറച്ചുകൂടി വലിയ സിനിമയാണെന്ന് പറഞ്ഞൊഴിയാൻ പൃഥ്വിരാജ് ശ്രമിച്ചെങ്കിലും ആന്റണി ചോദ്യം ആവർത്തിച്ചു. ചെയ്യാതിരിക്കാൻ പറ്റില്ലല്ലോ, കഥ തീരേണ്ടേയെന്നായിരുന്നു പൃഥ്വിയുടെ മറുപടി. ഇതിന് മഹാവിജയം പ്രേക്ഷകർ സമ്മാനിച്ചാലാണ് മൂന്നാംഭാഗം സംഭവിക്കുകയെന്നും അദ്ദേഹം കൂട്ടിച്ചേർത്തു. ‘രണ്ടാംഭാഗം ഇല്ലാതിരിക്കാം എന്ന രീതിയിലാണ് ഒന്നാം ഭാഗം തീർത്തത്. മൂന്നാം ഭാഗം ഇല്ലാതെ കഥ മുഴുവനാവില്ല എന്ന വ്യക്തമായ പോയിന്റിലാണ് രണ്ടാംഭാഗം അവസാനിക്കുന്നത്’, പൃഥ്വിരാജ് വ്യക്തമാക്കി.