മഹാരാഷ്ട്രയിലെ ഗഡ്ചിറോളിയില്‍ ഏറ്റുമുട്ടല്‍; നാല് മാവോയിസ്റ്റുകളെ വധിച്ച്‌ സിആര്‍പിഎഫ്

മഹാരാഷ്ട്രയിലെ ഗഡ്ചിറോളിയിലുണ്ടായ ഏറ്റുമുട്ടലില്‍ നാല് മാവോയിസ്റ്റുകളെ സിആർപിഎഫ് വധിച്ചു. സർക്കാർ തലയ്ക്കു 36 ലക്ഷം വിലയിട്ട മാവോയിസ്റ് നേതാക്കളാണ് കൊല്ലപ്പെട്ടത്. ഇവരില്‍ നിന്നും ലഘുലേഖകളും തോക്കുകളും പൊലീസ് കണ്ടെത്തി.

ഇന്ന് പുലർച്ചെയോടെയാണ് പൊലീസ് -സിആർപിഎഫ് വിഭാഗവുമായി മാവോയിസ്റ്റുകള്‍ ഏറ്റുമുട്ടിയത്. തെലങ്കാനയില്‍ നിന്നും മഹാരാഷ്ട്രയിലേക്ക് കടക്കാൻ ശ്രമിക്കവേയാണ് ഏറ്റുമുട്ടല്‍ നടന്നത്. പ്രദേശത്ത് സേന വിഭാഗങ്ങള്‍ തിരച്ചില്‍ തുടരുകയാണ്.