ഇന്ത്യൻ കോസ്റ്റ് ഗാര്‍ഡ് ഡയറക്ടര്‍ ജനറല്‍ രാകേഷ് പാല്‍ ഹൃദയാഘാതത്തെ തുടര്‍ന്ന് അന്തരിച്ചു

ഇന്ത്യൻ കോസ്റ്റ് ഗാർഡ് ഡയറക്ടർ ജനറല്‍ രാകേഷ് പാല്‍ ഹൃദയാഘാതത്തെ തുടർന്ന് അന്തരിച്ചു. പ്രതിരോധ മന്ത്രി രാജ്‌നാഥ് സിങ്ങിന്റെ ചെന്നൈ സന്ദർശനത്തിനുള്ള ഒരുക്കങ്ങളെ കുറിച്ച്‌ ഞായറാഴ്ച ഉദ്യോഗസ്ഥരുമായി ചർച്ച നടത്തുന്നതിനിടെയാണ് രാകേഷ് പാലിന് ഐ.എൻ.എസ് അഡയാറില്‍ വെച്ച്‌ നെഞ്ചുവേദന അനുഭവപ്പെട്ടതെന്ന് ഔദ്യോഗിക വൃത്തങ്ങള്‍ അറിയിച്ചു.

ഉടൻ തന്നെ ഉച്ചയ്ക്ക് 2.30ഓടെ ചെന്നൈയിലെ രാജീവ് ഗാന്ധി ജനറല്‍ ആശുപത്രിയില്‍ എത്തിച്ചുവെങ്കിലും രാത്രി ഏഴു മണിയോടെ മരിച്ചു.

തമിഴ്നാട് മുഖ്യമന്ത്രി എം.കെ സ്റ്റാലിനും പ്രതിരോധ മന്ത്രി രാജ്‌നാഥ് സിങ്ങും രാജീവ് ഗാന്ധി ആശുപത്രിയില്‍ എത്തി രാകേഷ് പാലിന് അന്തിമോപചാരം അർപ്പിച്ചു.