രഞ്ജി ട്രോഫി: കേരളം പിടിമുറുക്കുന്നു, ലീഡ് 200ന് അരികെ

രഞ്ജി ട്രോഫിയില്‍ മധ്യ പ്രദേശിനെതിരെ കേരളത്തിന്റെ ലീഡ് 200നോട് അടുക്കുകയാണ്. ഒന്നാം ഇന്നിംഗ്‌സില്‍ 89 റണ്‍സിന്റെ ലീഡ് നേടിയ കേരളം രണ്ടാം ഇന്നിംഗ്‌സില്‍ ഒടുവില്‍ വിവരം ലഭിക്കുമ്പോള്‍ മൂന്ന് വിക്കറ്റ് മാത്രം നഷ്ടത്തില്‍ 94 റണ്‍സെടുത്തിട്ടുണ്ട്. ആകെ 179 റണ്‍സിന്റെ ലീഡായി കേരളത്തിന്. സച്ചിന്‍ ബേബി (40), ബാബാ അപരാജിത് (3) എന്നിരാണ് ക്രീസില്‍. നേരത്തെ, കേരളത്തിന്റെ ഒന്നാം ഇന്നിംഗ്‌സ് സ്‌കോറായ 281നെതിരെ മധ്യ പ്രദേശ് 192ന് എല്ലാവരും പുറത്താവുകയായിരുന്നു.

നാല് വിക്കറ്റ് വീഴ്ത്തിയ ഏദന്‍ ആപ്പിള്‍ ടോം, മൂന്ന് വിക്കറ്റ് വീഴ്ത്തിയ നിധീഷ് എം ഡി എന്നിവരാണ് മധ്യ പ്രദേശിനെ തകര്‍ത്തത്. 67 റണ്‍സ് നേടിയ സരണ്‍ഷ് ജെയ്‌നാണ് മധ്യ പ്രദേശിന്റെ ടോപ് സ്‌കോറര്‍.