‘വളരെ നന്ദി കേരള ബ്ലാസ്റ്റേഴ്സ്’; യാത്രച്ചൊല്ലി ബ്ലാസ്റ്റേഴ്‌സിന്റെ ‘പുഷ്പ’
Sports Desk
Posted On June 24, 2022
കേരള ബ്ലാസ്റ്റേഴ്‌സിലെ പ്രതിരോധനിര താരം എനെസ് സിപോവിച്ച് ക്ലബ് വിട്ടു. താരം സാമൂഹ മാധ്യമത്തിലൂടെയാണ് വിവരം പുറത്തുവിട്ടത്. കഴിഞ്ഞ സീസണില്‍ ചെന്നൈയിന്‍ എഫ് സിയില്‍ നിന്ന് ബ്ലാസ്‌റ്റേഴ്‌സിലെത്തിയ താരം 14 കളികളില്‍ കൊമ്പന്‍മാര്‍ക്കുവേണ്ടി ബൂട്ടുകെട്ടി. ബ്ലാസ്റ്റേഴ്സ് വിട്ട് ഏതു ടീമിലേക്കാണ് അടുത്തത് എന്ന് താരം വ്യക്തമാക്കിയിട്ടില്ല.
കഴിഞ്ഞ സീസണില്‍ എട്ട് മത്സരങ്ങളില്‍ മാത്രമാണ് സിപോവിച്ച് സ്റ്റാര്‍ട്ടിംഗ് ഇലവനില്‍ ഇറങ്ങിയത്. ആറെണ്ണത്തില്‍ പകരക്കാരനായുമെത്തി. പ്രതിരോധനിരയില്‍ കഴിഞ്ഞവര്‍ഷം ബ്ലാസ്റ്റേഴ്സ് നടത്തിയ ആദ്യ വിദേശ സൈനിംഗായ സിപോവിച്ച് ഐ എസ് എല്ലിനു മുമ്പ് നടന്ന ഡ്യുറന്റ് കപ്പിലും മഞ്ഞകുപ്പായത്തില്‍ പങ്കെടുത്തിരുന്നു. പ്രതിരോധത്തില്‍ ഹോര്‍മിപാം – ലെസ്‌കോവിച്ച് സഖ്യം സ്ഥിരത പുലര്‍ത്തിയതോടെ സിപോവിച്ചിന് അവസരങ്ങള്‍ നഷ്ടമാവുകയായിരുന്നു.
കളത്തിനു പുറത്ത് മികച്ചൊരു രസികനാണ് സിപോവിച്ച്. കഴിഞ്ഞ സീസണില്‍ സിപോവിച്ചിന്റെ ‘പുഷ്പ’, ‘ഹബീബി’ എന്നീ വീഡിയോകള്‍ ആരാധകര്‍ ഏറെ ആഘോഷമാക്കിയിരുന്നു. വിടവാങ്ങല്‍ പ്രഖ്യാപിച്ചുകൊണ്ടുള്ള ഇന്‍സ്റ്റാഗ്രാം പോസ്റ്റിലും ‘പുഷ്പ’യിലെ ഡയലോഗാണ് ഉള്ളത്
Content Highlight: Enes Sipović, Kerala Blasters, Indian Super League
Trending Now
