കോളേജ് ബസ് തടഞ്ഞു വിദ്യർത്ഥികളെ മർദിച്ച സംഭവത്തിൽ 5 പേർ അറസ്റ്റിൽ

പാലക്കാട് വാളയാറിൽ കോളേജ് ബസിനുള്ളിൽ കയറി വിദ്യാർത്ഥികളെ മർദിച്ച സംഭവത്തിൽ 5 പേർ അറസ്റ്റിൽ. കഞ്ചിക്കോട് സ്വദേശികളായ സുജീഷ്, രോഹിത്, സത്യദത്ത്, അക്ബർ, നിഖിൽ എന്നിവരാണ് പിടിയിലായത്. കോളേജ് ബസിലെ യാത്രയെ ചൊല്ലിയുള്ള തർക്കമാണ് സംഘർഷത്തിന് കാരണമെന്ന് പൊലീസ് പറഞ്ഞു.

കോയമ്പത്തൂരിലെ സ്വകാര്യ കോളേജിലെ മലയാളി വിദ്യാർത്ഥികൾക്കാണ് ക്രൂര മർദ്ദനമേറ്റത്. വാളയാറിൽ ഓടിക്കൊണ്ടിരുന്ന ബസ് തടഞ്ഞു നിർത്തി ആക്രമിക്കുകയായിരുന്നു. 10 വിദ്യാർത്ഥികൾക്ക് ആക്രമത്തിൽ പരിക്കേറ്റു. ഇവർ ആശുപത്രിയിൽ ചികിത്സ തേടി. സംഭവത്തിൽ പൊലീസ് കേസെടുത്തിരുന്നു.

Content highlights – college bus, beating, students