സ്വാതന്ത്ര്യദിനത്തില്‍ ബിവറേജസിന് അവധി

ഓഗസ്റ്റ് 15 തിങ്കളാഴ്ച ബിവറേജസ് കോര്‍പറേഷന്‍ ഔട്ട്‌ലെറ്റുകള്‍ക്ക് അവധി. 75-ാം സ്വാതന്ത്ര്യദിനത്തോടനുബന്ധിച്ചാണ് അവധി പ്രഖ്യാപിച്ചത്. ബിവറേജസ് കോര്‍പ്പറേഷന്റെ ചില്ലറ വില്‍പ്പനശാലകള്‍ക്ക് അവധി പ്രഖ്യാപിച്ചുകൊണ്ട് ജനറല്‍ മാനേജര്‍ ഉത്തരവിറക്കി.

ബിവറേജസ് കോര്‍പറേഷന്‍ ഓഫീസുകള്‍ക്ക് സ്വാതന്ത്ര്യദിനത്തിന് അവധിയാണെങ്കിലും വില്‍പനശാലകള്‍ പ്രവര്‍ത്തിക്കുമായിരുന്നു. എന്നാല്‍ രാജ്യം 75-ാം സ്വാതന്ത്ര്യദിനം ആഘോഷിക്കുന്ന ഇത്തവണ ബെവ്‌കോ വില്‍പനശാലകള്‍ക്ക് അവധി അനുവദിക്കണമെന്ന ആവശ്യം ശക്തമായിരുന്നു. ഇതേത്തുടര്‍ന്നാണ് നടപടി.

Content Highlights – Beverages, Holiday, Independence day