ജമ്മു കശ്മീരില് ഒരു കുടുംബത്തിലെ ആറുപേരെ മരിച്ച നിലയില് കണ്ടെത്തി
![](https://sarklive.com/wp-content/uploads/2022/08/jammu-kashmir-6-dead-960x640.jpg)
ജമ്മു കശ്മീരില് ഒരു കുടുംബത്തിലെ ആറുപേരെ ദുരൂഹ സാഹചര്യത്തില് മരിച്ച നിലയില് കണ്ടെത്തി. വീടിനുള്ളില് രണ്ട് പേരുടെ മൃതദേഹവും തൊട്ടടുത്തുള്ള മറ്റൊരു വീട്ടില് നാല് പേരുടെ മൃതദേഹവുമാണ് കണ്ടെത്തിയത്. അകത്ത് നിന്ന് പൂട്ടിയ നിലയിലായിരുന്നു രണ്ട് വീടുകളും. പൊലീസിന് ലഭിച്ച വിവരത്തിന്റെ അടിസ്ഥാനത്തിലാണ്. പരിശോധന നടത്തിയത്
സജാദ് അഹമ്മദ്, നസ്സെമ അക്തര്, നൂര് ഉള് ഹബീബ്, സക്കീന ബീഗം, റുബീന ബാനോ, സഫര് സലിം എന്നിവരാണ് മരിച്ചതെന്ന് പൊലീസ് തിരിച്ചറിഞ്ഞിട്ടുണ്ട്. സംഭവത്തില് റൂറല് എസ്പി സഞ്ജയ് ശര്മയുടെ നേതൃത്വത്തിലുള്ള നാലംഗ പ്രത്യേക അന്വേഷണ സംഘത്തെ രൂപീകരിച്ചു.
ആറ് മൃതദേഹവും പോസ്റ്റ്മോര്ട്ടത്തിനായി മെഡിക്കല് കോളജിലേക്ക് മാറ്റി. ആത്മഹത്യയാണെന്ന പ്രാഥമിക സംശയത്തില് ജമ്മു പൊലീസ് കേസെടുത്ത് അന്വേഷണമാരംഭിച്ചു. മറ്റ് വിവരങ്ങള് പുറത്തുവിട്ടിട്ടില്ല.
Content Highlights – Six members of family found dead