വിമാനത്തിൽ കിടന്ന് സി​ഗരറ്റ് വലി; ഇൻസ്റ്റാ​ഗ്രാം ഇൻഫ്ലുൻസർക്കെതിരെ കേസ് എടുത്ത് പൊലീസ്

ഇൻസ്റ്റാ​ഗ്രാം ഇൻഫ്ലുൻസർക്കെതിരെ വിമാനത്തിൽ കിടന്ന് സിഗരറ്റ് വലിച്ചതിന് കേസ് എടുത്ത് പൊലീസ്. ബോബി കതാരിയ എന്ന ഗുഡ്ഗാവ് സ്വദേശിക്കെതിരെയാണ് കേസ് എടുത്തത്. ദുബായിയിൽ നിന്ന് ഡൽഹിയിലെത്തിയ സ്‌പൈസ് ജെറ്റ് വിമാനത്തിലായിരുന്നു സംഭവം.

ബോബി കതാരിയയുടെ സീറ്റിൽ കിടന്ന് സി​ഗരറ്റ് വലിക്കുന്ന വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിച്ചിരുന്നു. ഇതിനെ തുടർന്നാണ് കേസ് എടുത്തത്. വിമാനത്തിലെ സീറ്റിൽ കിടന്ന് അപകടകരമാം വിധത്തിൽ സിഗരറ്റ് ലൈറ്റർ ഉപയോഗിച്ച് കത്തിക്കുകയും തുടർന്ന് പുകവലിക്കുന്നതുമാണ് ദൃശ്യത്തിലുള്ളത്. 6.30 ലക്ഷം ഫോളോവേഴ്സ് ഇൻസ്റ്റാ​ഗ്രാമിൽ ബോബി കതാരിയക്ക് ഉണ്ട്.

വിമാനത്തിലിരുന്ന് സി​ഗരറ്റ് വലിക്കുന്ന ദൃശ്യങ്ങൾ ആളുകൾ കേന്ദ്ര സിവിൽ ഏവിയേഷൻ മന്ത്രി ജ്യോതിരാദിത്യ സിന്ധ്യയെ ടാ​ഗ് ചെയ്ത് ട്വിറ്ററിൽ പോസ്റ്റ് ചെയ്തു. ഇതിനോടുള്ള പ്രതികരണവുമായി മന്ത്രിയും രംഗത്ത് വന്നു. ‘ഇത് അന്വേഷിക്കുകയാണ്, അത്തരം അപകടകരമായ പെരുമാറ്റങ്ങളോട് ക്ഷമിക്കാൻ പറ്റില്ല’ എന്ന് ജ്യോതിരാദിത്യ സിന്ധ്യ ട്വീറ്റ് ചെയ്തു.

Content Highlights – Man smoke cigarette on plane