ഇസ്രയേല്‍ – ഹിസ്ബുല്ല വെടിനിര്‍ത്തല്‍ പ്രഖ്യാപിച്ച് ജോ ബൈഡന്‍
National Desk
Posted On November 27, 2024
0
20 Views
ഇസ്രയേല്‍ – ഹിസ്ബുല്ല വെടിനിര്‍ത്തല്‍ ബുധനാഴ്ച പ്രദേശിക സമയം പുലര്‍ച്ചെ നാലു മുതല്‍ പ്രാബല്യത്തില്‍ വരുമെന്ന് യുഎസ് പ്രസിഡന്റ് ജോ ബൈഡന്‍. യുദ്ധമവസാനിപ്പിക്കാനുള്ള സമാധാനക്കരാറിന് തന്റെ നേതൃത്വത്തിലുള്ള സുരക്ഷാ മന്ത്രിസഭ അനുമതി നല്‍കിയതായി ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു അറിയിച്ചതിന് പിന്നാലെയാണ് ബൈഡന്റെ പ്രസ്താവന.
ഇസ്രയേലിന്റെ സുരക്ഷാ കാബിനറ്റ് 10-1 വോട്ടിന് വെടിനിര്‍ത്തല്‍ കരാറിന് അംഗീകാരം നല്‍കിയതിന് തൊട്ടുപിന്നാലെ വൈറ്റ് ഹൗസില്‍ പ്രസ്താവന നടത്തിയ ബൈഡന്‍, താന്‍ ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായും ലെബനന്റെ താല്‍ക്കാലിക പ്രധാനമന്ത്രി നജീബ് മിക്കാറ്റിയുമായും സംസാരിച്ചതായി പറഞ്ഞു. പ്രാദേശിക സമയം പുലര്‍ച്ചെ 4 മണിക്ക് വെടിനിര്‍ത്തല്‍ നടപ്പിൽ വരുമെന്ന് ബൈഡന്‍ പറഞ്ഞു.
