ഫ്രഞ്ച് ഓപൺ വനിതാ കിരീടം ഇഗാ ഷ്യാംതെക്കിന്

ഫ്രഞ്ച് ഓപ്പൺ വനിതാ സിംഗിൾസ് കിരീടം ലോക ഒന്നാം നമ്പർ താരം ഇഗാ ഷ്യാംതെകിന്. അമേരിക്കൻ താരം കോക ഗൗഫിനെയാണ് ഇഗാ പരാജയപ്പെടുത്തിയത്. നേരിട്ടുള്ള സെറ്റുകൾക്കാണ് ഇഗായുടെ ജയം. സ്കോർ 6-1,6-3. ഇഗാ ഷ്യാംതെക്കിന്റെ രണ്ടാം ഫ്രഞ്ച് ഓപൺ കിരീട നേട്ടമാണിത്.

ഒന്നാം റാങ്കുകാരിയായി ഇഗാ മത്സരിച്ച ആദ്യ ഗ്രാൻഡ് സ്ലാം മത്സരമായിരുന്നു ഈ ഫ്രഞ്ച് ഓപ്പൺ. ഇരുപത്തിയൊന്ന് വയസ്സുള്ള പോളണ്ട് താരത്തിന് ടൂർണമെന്റിൽ കാര്യമായ വെല്ലുവിളികൾ ഉണ്ടായിരുന്നില്ല. സീസണിൽ തോൽവിയറിയാതെ മുപ്പത്തിയഞ്ച് മത്സരങ്ങളാണ് ഇഗാ പിന്നിട്ടത്. ഇതോടെ മുപ്പത്തിയഞ്ച് മത്സരങ്ങൾ ജയിച്ച വീനസ് വില്യംസിന്റെ നേട്ടത്തിനൊപ്പമെത്തി ഇഗാ.

Content Highlight: French Open, Iga Swiatek