ബോളിവുഡ് നടന്‍ ഷാരൂഖ് ഖാന് കോവിഡ് സ്ഥിരീകരണം. ആരാധകര്‍ പ്രതീക്ഷയോടെ കാത്തിരിക്കുന്ന ആറ്റ്ലി സംവിധാനം ചെയ്യുന്ന ജവാന്റെ ചിത്രീകരണത്തിലാണ് ഷാരൂഖ് ഖാന്. അടുത്തിടെ നിരവധി താരങ്ങള്‍ക്കാണ് കോവിഡ് സ്ഥിരീകരിച്ചത്. ഷാരൂഖ് ഖാന്റെ ആരോഗ്യനിലയെ സംബന്ധിച്ച് കൂടുതല്‍ വിവരങ്ങള്‍ പുറത്തുവന്നിട്ടില്ല.
സംവിധായകന്‍ അറ്റ്ലിയുടെയും നയന്‍താരയുടെയും ബോളിവുഡ് അരങ്ങേറ്റ ചിത്രം കൂടിയാണ് ജവാന്‍. അച്ഛനും മകനുമായി ഡബിള്‍ റോളിലാണ് ഷാരൂഖ് എത്തുന്നുണ്ടെന്ന് റിപ്പോര്‍ട്ടുകള്‍ പറയുന്നു. മുഖത്ത് ബാന്‍ഡേജ് വെച്ചുകെട്ടിയുള്ള ഷാരൂഖ് ഖാന്റെ വ്യത്യസ്ത മുഖത്തോടെയുള്ള ചിത്രത്തിന്റെ ടീസര്‍ സാമൂഹിക മാധ്യമങ്ങളിലടക്കം വൈറലായിരിക്കുകയാണ്. സിനിമയുടെ ചിത്രീകരണം നടക്കവേയാണ് ഷാരൂഖ് ഖാന് കോവിഡ് സ്ഥിരീകരിച്ചത്.
മുംബൈയില്‍ കോവിഡ് കേസുകള്‍ ഗണ്യമായി വര്‍ധിക്കുകയാണ്. രാജ്യത്തും കോവിഡ് കേസുകള്‍ ഉയര്‍ന്നു വരികയാണ്. കോവിഡ് പശ്ചാത്തലം മുന്‍നിര്‍ത്തി ജാഗ്രത പാലിക്കാന്‍ മുംബൈ മുനിസിപ്പല്‍ കോര്‍പ്പറേഷന്‍ മുന്നറിയിപ്പ് നല്‍കി.
Content Highlights – Shah Rukh Khan, Covid-19 confirmed, Pandemic Time
Trending Now
