ഷാജ് കിരണും എഡിജിപി അജിത് കുമാറും തമ്മില്‍ ഏഴുതവണ ഫോണില്‍ സംസാരിച്ചു; കോള്‍ വിവരങ്ങള്‍ പുറത്ത്

എഡിജിപി അജിത് കുമാറും ഷാജ് കിരണും തമ്മില്‍ നടത്തിയ ഫോണ്‍ കോളുകളുടെ വിവരങ്ങള്‍ പുറത്ത്. ഇരുവരും ഏഴു തവണ വിളിച്ചിട്ടുണ്ടെന്ന് ഫോണ്‍ കോള്‍ വിശദാംശങ്ങള്‍ വ്യക്തമാക്കുന്നു. സരിത്തിനെ വിജിലന്‍സ് കസ്റ്റഡിയില്‍ എടുത്തതിന് ശേഷം നടത്തിയ ഫോണ്‍ സംഭാഷണങ്ങളുടെ വിവരങ്ങളാണ് പുറത്തുവന്നത്.

സരിത്തിനെ വിജിലന്‍സ് കസ്റ്റഡിയില്‍ എടുത്തതിന് ശേഷം വിവരങ്ങള്‍ അന്വേഷിക്കുന്നതിനായാണ് താന്‍ എഡിജിപിയെ വിളിച്ചതെന്ന് ഷാജ് കിരണ്‍ പറഞ്ഞിരുന്നു. ഇതിന്റെ രേഖയാണ് ഇപ്പോള്‍ പുറത്തു വന്നിരിക്കുന്നത്.

ജൂണ്‍ 8ന് രാവിലെ 11 മണി മുതല്‍ 1.40 വരെയുള്ള സമയത്താണ് ഇത്രയും കോളുകള്‍ ഇവര്‍ക്കിടയില്‍ ഉണ്ടായത്. എന്നാല്‍ ഷാജും എഡിജിപിയും തമ്മില്‍ 35 തവണ ഫോണില്‍ ബന്ധപ്പെട്ടുവെന്നായിരുന്നു വാര്‍ത്തകള്‍.

Content Highlights: Shaj Kiran, ADGP, Ajith Kumar, Swapna Suresh