ജമ്മു കശ്മീരില്‍ ഏറ്റുമുട്ടല്‍; വ്യത്യസ്ത സംഭവങ്ങളില്‍ 4 ഭീകരര്‍ കൊല്ലപ്പെട്ടു

ജമ്മു കശ്മീരിലെ പുല്‍വാമ, ബാരമുള്ള ജില്ലകളില്‍ സുരക്ഷാസേനയുമായുള്ള ഏറ്റുമുട്ടലില്‍ നാല് ഭീകരര്‍ കൊല്ലപ്പെട്ടു. രണ്ട് വ്യത്യസ്ത സംഭവങ്ങളിലായി നാല് പേരാണ് കൊല്ലപ്പെട്ടത്.

ബരാമുള്ളയിലെ തുലിബാല്‍ ഗ്രാമത്തില്‍ ഭീകരരുടെ സാന്നിധ്യമുണ്ടെന്ന രഹസ്യ വിവരത്തെ തുടര്‍ന്ന് സുരക്ഷാ സേന തിരച്ചില്‍ നടത്തിയിരുന്നു. ഇതിനിടെ സേനയ്ക്ക് നേരെ ഭീകരര്‍ വെടിയുതിര്‍ത്തു. തുടര്‍ന്ന് ഭീകരരും സുരക്ഷാസേനയും തമ്മില്‍ നടന്ന ഏറ്റുമുട്ടലില്‍ രണ്ട് അജ്ഞാത ഭീകരര്‍ കൊല്ലപ്പെട്ടു. സംഭവസ്ഥലത്ത് ഏറ്റുമുട്ടല്‍ തുടരുകയാണ്.

ദക്ഷിണ കശ്മീരിലെ പുല്‍വാമയിലെ തുജ്ജാനിലാണ് മറ്റൊരു ഏറ്റുമുട്ടല്‍ നടന്നത്. രണ്ട് ഭീകരര്‍ കൊല്ലപ്പെട്ടതായി സൈനിക വൃത്തം അറിയിച്ചു. കൊല്ലപ്പെട്ടവരില്‍ ഒരാള്‍ ജയ്‌ഷെ മുഹമ്മദിന്റെ മജീദ് നസീറാണെന്ന് തിരിച്ചറിഞ്ഞതായി പൊലീസ് വ്യക്തമാക്കി.

Content Highlights – Jammu and Kashmir, clashes with security forces and Terrorists, Four Militants Were Killed