അന്താരാഷ്ട്ര വനിത ചലചിത്രമേള; ഓണ്‍ലൈന്‍ രജിസ്‌ട്രേഷന്‍ നാളെ മുതല്‍ ആരംഭിക്കും

സാംസ്‌കാരിക വകുപ്പിന്റെ ‘സമം’ പദ്ധതിയുടെ ഭാഗമായി നടക്കുന്ന മൂന്നാമത് അന്താരാഷ്ട്ര വനിതാ ചലചിത്രമേളയുടെ ഓണ്‍ലൈന്‍ ഡെലിഗേറ്റ് രജിസ്‌ട്രേഷന്‍ നാളെ ആരംഭിക്കും. ജൂലൈ 16,17,18 തീയതികളിലായാണ് പരിപാടി നടക്കുക. കേരള സംസ്ഥാന ചലചിത്ര അക്കാദമി കോഴിക്കോട് കൈരളി ശ്രീ തിയേറ്ററുകളിലാണ് പരിപാടി സംഘടിപ്പിക്കുക.

മുതിര്‍ന്ന ഡെലിഗേറ്റ്‌സിന് 300 രൂപയും വിദ്യാര്‍ത്ഥികള്‍ക്ക് 200 രൂപയുമാണ് പ്രവേശന ഫീസ്. നാളെ രാവിലെ 10 മണി മുതല്‍ http://registration.iffk.in/ എന്ന വെബ്‌സൈറ്റ് വഴി രജിസ്റ്റര്‍ ചെയ്യാം.

മൂന്ന് ദിവസങ്ങളിലായി നടക്കുന്ന പരിപാടിയില്‍ വനിതാ സംവിധായകരുടെ 24 ചിത്രങ്ങള്‍ പ്രദര്‍ശിപ്പിക്കും. ലോക സിനിമ, ഇന്ത്യന്‍ സിനിമ, മലയാള സിനിമ, ഡോക്യുമെന്ററി, ഷോര്‍ട്ട് ഫിക്ഷന്‍ എന്നീ വിഭാഗങ്ങളിലുള്ള സിനിമകളാണ് പ്രദര്‍ശിപ്പിക്കുക.

Content Highlights – 3rd International Women’s Film Festival, Online registration will start from tomorrow