ജമ്മു കാശ്മീരില്‍ ഭീകരരെ പിടികൂടി ഗ്രാമീണര്‍; 2 ലക്ഷം പാരിതോഷികം നല്‍കി പൊലീസ്

ജമ്മു കാശ്മീരില്‍ ലഷ്‌കറ തയിബ ഭീകരരെ പിടികൂടി ഗ്രാമീണര്‍. കശ്മീരിലെ റിയാസി ജില്ലയിലെ തുക്‌സാന്‍ ഗ്രാമത്തില്‍ നിന്നാണ് ഭീകരരെ പിടികൂടിയത്. ലഷ്‌കറ തയിബ കമാന്‍ഡര്‍ താലിഖ് ഹുസൈന്‍, തയിബ ഭീകരറായ ഫൈസല്‍, അഹമ്മദ് ദാര്‍ എന്നിവരാണ് പിടിയിലായത്.

ജില്ലയില്‍ അടുത്തിടെ നടന്ന സ്‌ഫോടനങ്ങളുടെ മുഖ്യസൂത്രധാരനായിരുന്നു പിടിയിലായ താലിഖ് ഹുസൈന്‍. ഭീകരുടെ കൈയ്യില്‍ നിന്ന് രണ്ട് എകെ47 തോക്കുകളും, 7 ഗ്രാനേഡുകളും ഒരു പിസ്റ്റളുകളും കണ്ടെത്തിയതായി പൊലീസ് വ്യക്തമാക്കി.

ലഷ്‌കറ തയിബ ഭീകരരെ പിടികൂടി ഗ്രാമണര്‍ക്ക് പൊലീസ് 2 ലക്ഷം രൂപ പാരിതോഷികമായി പ്രഖ്യാപിച്ചതായി പൊലീസ് വൃത്തങ്ങള്‍ അറിയിച്ചു.

Content Highlights – Jammu and Kashmir, Villagers caught terrorists, Police gave a reward of 2 lakhs