മലയാളി ക്രിക്കറ്റ് താരം ബേസിൽ തമ്പി വിവാഹിതനായി ; വധു സ്നേഹ റോയി

ഐപിഎൽ മുംബൈ ഇന്ത്യൻസ് ടീം അംഗവും കേരള ക്രിക്കറ്റ് ടീമിന്റെ പേസ് ബോളറുമായ ബേസിൽ തമ്പി വിവാഹിതനായി. പെരുമ്പാവൂർ ഇരിങ്ങോൾ സ്വദേശി ആയ ബേസിൽ തമ്പി മുല്ലമംഗലം വീട്ടിൽ എൻ.എം തമ്പി- ലിസി തമ്പി ദമ്പതികളുടെ മകനാണ്. വധു സ്നേഹ മുടക്കുഴ പ്രളയക്കാട് റോയ്‌ ഡേവിഡ്- ജെസി ദമ്പതികളുടെ മകളാണ്.

കേരള രഞ്ജി ട്രോഫി ടീം പരിശീലകൻ ടിനു യോഹന്നാൻ, കേരള ടീം ക്യാപ്റ്റൻ സച്ചിൻ ബേബി, ഐപിഎൽ താരങ്ങൾ, കേരള ടീമിലെ സഹതാരങ്ങൾ അടക്കമുള്ളവർ വിവാഹത്തിനെത്തിയിരുന്നു. കഴിഞ്ഞ എട്ടു വർഷമായി കേരള ടീമിന്റെ പ്രധാന താരങ്ങളിൽ ഒരാളാണ് പേസ് ബോളറായ ബേസിൽ തമ്പി. 2017-ൽ ഗുജറാത്ത് ലയൺസിലൂടെ ഐപിഎല്ലിൽ അരങ്ങേറി. തൊട്ടടുത്ത വർഷം സൺറൈസേഴ്‌സ് ഹൈദരാബാദ് 95 ലക്ഷം രൂപക്ക് താരത്തെ സ്വന്തമാക്കി. മുംബൈ ഇന്ത്യൻസിനായി ഇക്കഴിഞ്ഞ വർഷം കളിച്ചു.

Content Highlights – Basil thambi, wedding, kerala cricket