ആലപ്പുഴയില്‍ ഓണത്തല്ല്’; ആശുപത്രിയില്‍ ഗുണ്ടാ സംഘങ്ങള്‍ ഏറ്റുമുട്ടി

ഗുണ്ടാ സംഘങ്ങള്‍ തമ്മില്‍ കായംകുളം താലൂക്ക് ആശുപത്രിയില്‍ ഏറ്റുമുട്ടി. ഇന്നലെ വൈകീട്ട് അഞ്ച് മണിയോടെയായിരുന്നു സംഭവം. ഏറ്റുമുട്ടലിൽ ആശുപത്രിയിലെ ഉപകരണങ്ങളും തല്ലിത്തകര്‍ത്തു.

ആശുപത്രിക്ക് പുറത്ത് വച്ചാണ് ഇരുവിഭാഗവും തമ്മില്‍ ആദ്യം ഏറ്റുമുട്ടിയത്. അതിനിടെ മര്‍ദ്ദനത്തില്‍ നിന്ന് രക്ഷപ്പെടാന്‍ ഒരാള്‍ ആശുപത്രിയിലെ കുട്ടികളുടെ വാര്‍ഡിലേക്ക് ഓടിക്കയറുകയായിരുന്നു

പിന്തുടര്‍ന്ന് എത്തിയ സംഘം ഇയാളെ ആശുപത്രിക്കുള്ളില്‍ വച്ച് മര്‍ദ്ദിക്കുകയും ആശുപത്രിയിലെ ഉപകരണങ്ങള്‍ തല്ലി തകര്‍ക്കുകയും ചെയ്തതായിട്ടാണ് റിപ്പോർട്ടുകൾ. ആക്രമണത്തിന്റെ സിസിടിവി ദൃശ്യങ്ങള്‍ പുറത്തു വന്നു.