കേദാര്‍നാഥില്‍ ഹെലികോപ്റ്റര്‍ അപകടം; ആറുപേര്‍ മരിച്ചു

ഉത്തരാഖണ്ഡിലെ ഫാട്ട ഗ്രാമത്തില്‍ നിന്ന് കേദാര്‍നാഥ് തീര്‍ഥാടകരുമായി പോയ ഹെലികോപ്റ്റര്‍ അപകടത്തില്‍പെട്ട് ആറുപേര്‍ മരിച്ചു. രണ്ട് പൈലറ്റുമാരും നാല് തീര്‍ത്ഥാടകരുമാണ് മരിച്ചത്. ചൊവ്വാഴ്ച്ച രാവിലെ 11-45 ഓടെയാണ് സംഭവം.

കേദാര്‍നാഥ് ധാമില്‍ നിന്ന് പറന്നുയര്‍ന്ന് നിമിഷങ്ങള്‍ക്കകം ഹെലികോപ്ടര്‍ തകര്‍ന്നുവെന്നാണ് പ്രാഥമികമായി ലഭിക്കുന്ന വിവരം. മൃതദേഹങ്ങള്‍ വീണ്ടെടുക്കാന്‍ രക്ഷാപ്രവര്‍ത്തകര്‍ സ്ഥലത്തെത്തിയെങ്കിലും മഞ്ഞുവീഴ്ചയ്ക്കൊപ്പം മോശം കാലാവസ്ഥയും ഉള്ളതിനാല്‍ പ്രവര്‍ത്തനത്തെ തടസ്സപ്പെടുത്തുന്നതായാണ് ഉദ്യോഗസ്ഥര്‍ നല്‍കിയ വിവരം.

Content Highlights – Helicopter crashes in Kedarnath, Six people died