വയനാട്ടില്‍ രണ്ട് വിദ്യാര്‍ത്ഥികള്‍ മുങ്ങി മരിച്ചു

വയനാട്ടില്‍ രണ്ട് വിദ്യാര്‍ത്ഥികള്‍ മുങ്ങി മരിച്ചു. ചിരാല്‍ സ്വദേശി അശ്വന്ത് കെ കെ, കുപ്പാടി സ്വദേശി അശ്വിന്‍ കെ എസ് എന്നിവരാണ് മരിച്ചത്. നെന്മേനി ഗോവിന്ദചിറയില്‍ ചൊവ്വാഴ്ച്ച വൈകുന്നേരമാണ് സംഭവം നടന്നത്. ബത്തേരി സര്‍വജന സ്‌കൂളിലെ പ്ലസ് വണ്‍ വിദ്യാര്‍ത്ഥികളാണ് ഇരുവരും.

സ്‌കൂള്‍ വിട്ട് ചിറയില്‍ കുളിക്കാന്‍ ഇറങ്ങിയപ്പോഴാണ് കുട്ടികള്‍ അപകടത്തില്‍പ്പെട്ടത്. ഇരുവര്‍ക്കുമൊപ്പം സഹപാഠിയായ പ്രണവ് ഉണ്ടായിരുന്നു.

സംഭവം അറിഞ്ഞ ഉടന്‍ തന്നെ നാട്ടുകാര്‍ പൊലീസിനെയും അഗ്നിരക്ഷാസേനയെയും വിവരം അറിയിച്ചിരുന്നു. തുടര്‍ന്ന് സംയുക്തമായി നടത്തിയ തിരച്ചലിലാണ് ഒരു മണിക്കൂറിന് ശേഷം കുട്ടികളുടെ മൃതദേഹം കണ്ടെത്തിയത്.

Content Highlights – Two students drowned in Wayanad