ഹൈക്കോടതി ചീഫ് ജസ്റ്റിസിന്റെ കാര്‍ തടഞ്ഞ് അസഭ്യം പറഞ്ഞു; ഒരാള്‍ പിടിയില്‍
News Desk
Posted On November 21, 2022
കൊച്ചിയില്‍ ഹൈക്കോടതി ചീഫ് ജസ്റ്റിസ് എസ്. മണികുമാറിന്റെ കാര്‍ തടഞ്ഞ് അസഭ്യം പറഞ്ഞയാള്‍ പിടിയില്‍. ഇടുക്കി ഉടുമ്പന്‍ചോല സ്വദേശി ഡിജോയാണ് പിടിയിലായത്. ഞായറാഴ്ച രാത്രി 11 മണിക്കാണ് സംഭവം. ഗോശ്രീ പാലത്തിനു സമീപം ചീഫ് ജസ്റ്റിസിന്റെ വാഹനത്തിനും പൈലറ്റ് വാഹനത്തിനും മുന്‍പിലേക്ക് ഇയാള്‍ ചാടുകയായിരുന്നു. ഇതു തമിഴ്‌നാടല്ലെന്ന് ആക്രോശിച്ചുകൊണ്ട് ഇയാള്‍ പാഞ്ഞടുക്കുകയായിരുന്നു.
ചേരാനല്ലൂര്‍ മുതല്‍ ചീഫ് ജസ്റ്റിസിന്റെ വാഹനത്തെ പിന്തുടര്‍ന്നിരുന്ന ഇയാള്‍ മദ്യലഹരിയിലായിരുന്നു. കൊച്ചിയില്‍ കണ്ടെയ്‌നര്‍ ലോറി ഡ്രൈവറാണ് പ്രതി. തടയാന്‍ ശ്രമിച്ച ചീഫ് ജസ്റ്റിസിന്റെ ചീഫ് സെക്യൂരിറ്റി ഓഫീസറെയും ഇയാള്‍ കയ്യേറ്റംചെയ്യാന്‍ ശ്രമിച്ചു. ചീഫ് സെക്യൂരിറ്റി ഓഫീസര്‍ നല്‍കിയ പരാതിയിലാണ് പോലീസ് നടപടിയെടുത്തിരിക്കുന്നത്.
ചീഫ് ജസ്റ്റിസ് മണികുമാര്‍ വിമാനത്താവളത്തില്‍ നിന്ന് ഔദ്യോഗിക വസതിയിലേക്ക് പോകുകയായിരുന്നു. പ്രതി സഞ്ചരിച്ച ബൈക്കും പോലീസ് കസ്റ്റഡിയില്‍ എടുത്തിട്ടുണ്ട്.
Trending Now
