കാട്ടാക്കട എസ്എഫ്‌ഐ ആള്‍മാറാട്ടത്തില്‍ പോലീസ് കേസെടുത്തു; പ്രിന്‍സിപ്പല്‍ ഒന്നാം പ്രതി, എസ്എഫ്‌ഐ നേതാവ് രണ്ടാം പ്രതി
News Desk
Posted On May 21, 2023
0
160 Views
കാട്ടാക്കട ക്രിസ്ത്യന്‍ കോളേജിലെ എസ്എഫ്‌ഐ ആള്‍മാറാട്ടത്തില്‍ പോലീസ് കേസെടുത്തു. പ്രിന്‍സിപ്പല്‍ ചുമതലയിലുണ്ടായിരുന്ന ഡോ. ജെ ജെ ഷൈജുവാണ് ഒന്നാം പ്രതി. യുയുസി സ്ഥാനത്തേക്ക് ആള്‍മാറാട്ടം നടത്തിയ എസ്എഫ്‌ഐ നേതാവ് വിശാഖ് രണ്ടാം പ്രതിയാകും.
വഞ്ചന, വ്യാജരേഖ ചമയ്ക്കല്‍, ആള്‍മാറാട്ടം തുടങ്ങിയ കുറ്റങ്ങള്‍ ഇവര്‍ക്കെതിരെ ചുമത്തിയിട്ടുണ്ട്. കേരള സര്‍വകലാശാലാ രജിസ്ട്രാറുടെ പരാതിയില്‍ കാട്ടാക്കട പോലീസാണ് കേസെടുത്തത്. ഷൈജുവിനെ നേരത്തെ പ്രസിന്‍സിപ്പല്‍ സ്ഥാനത്ത് നിന്ന് നീക്കം ചെയ്തിരുന്നു.
കോളേജ് യൂണിയന്‍ തിരഞ്ഞെടുപ്പില്‍ യൂണിവേഴ്‌സിറ്റി യൂണിയന്‍ കൗണ്‍സിലറായി ജയിച്ച അനഘ എന്ന പെണ്‍കുട്ടിക്ക് പകരം എസ്.എഫ്.ഐ. ഏരിയാ സെക്രട്ടറി വിശാഖിന്റെ പേരാണ് സര്‍വകലാശാലയ്ക്ക് അയച്ചത്.
