സി.പി.എം കേന്ദ്ര കമ്മിറ്റി ഇന്ന് തുടങ്ങുന്നു

സി.പി.എം കേന്ദ്ര കമ്മിറ്റി യോഗം ശനി, ഞായര്‍ ദിവസങ്ങളില്‍ ഡല്‍ഹിയില്‍ നടക്കും. പൊതുതെരഞ്ഞെടുപ്പിലെ പ്രതിപക്ഷ ഐക്യം, മണിപ്പൂര്‍ വിഷയം, പാര്‍ലമെന്‍റിലെ അവിശ്വാസ പ്രമേയം അടക്കമുള്ള വിഷയങ്ങള്‍ യോഗത്തില്‍ ചര്‍ച്ചയാകും.

മുഖ്യമന്ത്രി പിണറായി വിജയൻ, സി.പി.എം സംസ്ഥാന സെക്രട്ടറി എം.വി. ഗോവിന്ദൻ, മന്ത്രിമാരായ കെ.എൻ. ബാലഗോപാല്‍, പി. രാജീവ്, കെ. രാധാകൃഷ്ണൻ അടക്കമുള്ളവര്‍ യോഗത്തില്‍ പങ്കെടുക്കാൻ വെള്ളിയാഴ്ച ഡല്‍ഹിയില്‍ എത്തി. മുഖ്യമന്ത്രിയും മന്ത്രിമാരും വെള്ളിയാഴ്ച നടന്ന ഡല്‍ഹിയിലെ നവീകരിച്ച ട്രാവൻകൂര്‍ ഹൗസിന്‍റെ ഉദ്ഘാടന ചടങ്ങിലും പങ്കെടുത്തു.