കെഎസ്കെടിയു മുഖമാസിക ‘കര്‍ഷക തൊഴിലാളി’യുടെ പുരസ്കാരങ്ങള്‍ പ്രഖ്യാപിച്ചു; പ്രഥമ കേരള പുരസ്‌കാരം വിഎസ് അച്യുതാനന്ദന്

കെഎസ്കെടിയു മുഖമാസികയായ ‘കര്‍ഷക തൊഴിലാളി’യുടെ പ്രഥമ കേരള പുരസ്‌കാരം വിഎസ് അച്യുതാനന്ദന്. ഒരു ലക്ഷം രൂപയും ഫലകവും പ്രശംസാപത്രവുമടങ്ങുന്നതാണ് പുരസ്‌കാരം.

കഥയ്ക്ക് ഏര്‍പ്പെടുത്തിയ കേരള സാഹിത്യ പുരസ്‌കാരം സുരേഷ് പേരിശ്ശേരിയുടെ ‘ഒറ്റമുളയേണി’ എന്ന കഥക്ക് ലഭിച്ചു. കവിതയ്ക്ക് ഏര്‍പ്പെടുത്തിയ കേരള സാഹിത്യ പുരസ്‌കാരം ശ്രീജിത്ത് അരിയല്ലൂരിന്റെ ‘ഒരേ സീറ്റില്‍’ എന്ന കവിതക്കും, പ്രബന്ധ രചനക്ക് ഏര്‍പ്പെടുത്തിയ കേരള സാഹിത്യ പുരസ്‌കാരം കെ രാജേന്ദ്രനും ലഭിച്ചു.

40,001 രൂപയും ഫലകവും പ്രശംസാപത്രവുമടങ്ങുന്നതാണ് കേരള സാഹിത്യ പുരസ്‌കാരം. ജനുവരി 5 ന് അയ്യങ്കാളി ഹാളില്‍ നടക്കുന്ന ചടങ്ങില്‍ മുഖ്യമന്ത്രി പുരസ്‌കാരങ്ങള്‍ വിതരണം ചെയ്യും.