എല്ഡിഎഫിലെ രാജ്യസഭാ സീറ്റ് വിഭജനം; അന്തിമ തീരുമാനം ഇന്ന്
എല്ഡിഎഫിലെ രാജ്യസഭാ സീറ്റ് വിഭജനത്തില് അന്തിമ തീരുമാനം ഇന്ന്. ഇന്ന് ചേരുന്ന എല്ഡിഎഫ് യോഗത്തില് തീരുമാനം ഘടകകക്ഷികളെ അറിയിക്കും.
ഇന്ന് ചേരുന്ന സംസ്ഥാന സെക്രട്ടറിയേറ്റ് യോഗവും വിഷയം ചർച്ച ചെയ്യും. നേരത്തെ നടന്ന ഉഭയകക്ഷി ചർച്ചകള് തീരുമാനമാകാതെയാണ് പിരിഞ്ഞത്.
ലോക്സഭാ തെരഞ്ഞെടുപ്പ് തോല്വിക്ക് പിന്നാലെ സിപിഐഎമ്മിന് മുന്നില് കീറാമുട്ടിയായി നില്ക്കുകയാണ് രാജ്യസഭാ സീറ്റ് തർക്കം. എല്ഡിഎഫിന് വിജയിക്കാൻ ആകുന്ന രണ്ട് സീറ്റുകളില് ഒരു സീറ്റ് സിപിഐഎം ഏറ്റെടുക്കും. രണ്ടാമത്തെ സീറ്റിനായാണ് സിപിഐ, കേരള കോണ്ഗ്രസ് എം, ആർ ജെ ഡി, എൻസിപി കക്ഷികള് രംഗത്ത് എത്തിയത്. ആർജെഡിക്കും എൻസിപിക്കും സീറ്റ് നല്കില്ലെന്ന് സിപിഐഎം അറിയിച്ചിട്ടുണ്ട്.












