എ.ആര്‍. ക്യാമ്ബില്‍ എസ്.ഐ.മാര്‍ തമ്മില്‍ കൈയാങ്കളി; ഭക്ഷണപ്പൊതികള്‍ വലിച്ചെറിഞ്ഞു

നന്ദാവനം എ.ആർ. ക്യാമ്ബില്‍ പരസ്യമായി എസ്.ഐ.മാർ തമ്മില്‍ കൈയാങ്കളി. തിങ്കളാഴ്ച ഉച്ചയ്ക്ക് ഭക്ഷണസമയത്ത് ഓഫീസേഴ്സ് ബാരക്കിലായിരുന്നു സംഭവം.

ഭക്ഷണപ്പൊതികള്‍ വലിച്ചെറിഞ്ഞും പരസ്പരം അസഭ്യം പറഞ്ഞുമുള്ള തർക്കം ഏറെ നേരം നിന്നു. നിരവധി പോലീസുകാർ നോക്കിനില്‍ക്കുമ്ബോഴായിരുന്നു എസ്.ഐ.മാരുടെ ഏറ്റുമുട്ടല്‍.

എ.ആർ.ക്യാമ്ബിനുള്ളിലെ ക്ഷേത്രത്തിലെ ഉത്സവവുമായി ബന്ധപ്പെട്ട വിഷയങ്ങളായിരുന്നു കൈയാങ്കളിയിലേക്കെത്തിയത്. ഒരാള്‍ ഇപ്പോഴത്തെ ക്ഷേത്രഭാരവാഹിയും മറ്റേയാള്‍ മുൻ ഭാരവാഹിയുമാണ്. മുൻപും ഈ ഉദ്യോഗസ്ഥർക്കെതിരേ പരാതികളുണ്ടായിരുന്നതായി ക്യാമ്ബിലെ പോലീസുകാർ പറയുന്നു.