ന്യൂസിലന്‍ഡിനെ അട്ടിമറിച്ച് നൈജീരിയ! അണ്ടര്‍ 19 വനിതാ ലോകകപ്പില്‍ ചരിത്രം കുറിച്ച് ആഫ്രിക്കന്‍ രാജ്യം
National Desk
Posted On January 20, 2025
അണ്ടര്‍ 19 വനിതാ ടി20 ലോകകപ്പില്‍ ന്യൂസിലന്‍ഡിനെ അട്ടിമറിച്ച് നൈജീരിയ . സരവാക് ക്രിക്കറ്റ് ഗ്രൗണ്ടില്‍ മഴയെ തുടര്‍ന്ന് 13 ഒവറാക്കി ചുരുക്കിയ മത്സരത്തില്‍ രണ്ട് റണ്‍സിനായിരുന്നു നൈജീരിയയുടെ ജയം. ടോസ് നഷ്ടപ്പെട്ട് ബാറ്റിംഗിനെത്തിയ നൈജീരിയ 13 ഓവറില്‍ ആറ് വിക്കറ്റ് നഷ്ടത്തില്‍ 65 റണ്‍സാണ് നേടിയത്. 19 റണ്‍സ് നേടിയ ലില്ലിയന്‍ ഉഡെ ടീമിന്റെ ടോപ് സ്‌കോററായി. ക്യാപ്റ്റന്‍ ലക്കി പിയറ്റി 18 റണ്‍സ് നേടി. മറുപടി ബാറ്റിംഗില്‍ ന്യൂസിലന്‍ഡിന് ആറ് വിക്കറ്റ് നഷ്ടത്തില്‍ 63 റണ്‍സെടുക്കാനാണ് സാധിച്ചത്. ഗ്രൂപ്പ് സിയില്‍ രണ്ട് മത്സരങ്ങളും തോറ്റ് ന്യൂസിലന്‍ഡ് പുറത്താവുകയും ചെയ്തു.
നേരത്തെ ന്യൂസിലന്‍ഡ്, ദക്ഷിണാഫ്രിക്കയോടും തോറ്റിരുന്നു. രണ്ട് മത്സരങ്ങള്‍ പരാജയപ്പെട്ടതോടെ ന്യൂസിലന്‍ഡ് പുറത്തായി. നൈജീരിയ – സമോവ മത്സരം മഴയെ തുടര്‍ന്ന് ഉപേക്ഷിക്കുകയും ചെയ്തു. ഇതോടെ മൂന്ന് പോയിന്റുമായി നൈജീരിയ ഒന്നാമതായി. ഇന്ന് ദുര്‍ബലരായ സമോവയെ തോല്‍പ്പിക്കാനായാല്‍ ദക്ഷിണാഫ്രിക്ക നാല് പോയിന്റോടെ ഒന്നാമതെത്തും.
Trending Now
ക്യാമ്പസ് കഥ പറയുന്ന “PDC അത്ര ചെറിയ ഡിഗ്രി അല്ല”
