ഞാൻ നുജൂദ്, വയസ് പത്ത്, വിവാഹമോചിത അന്താരാഷ്ട്രതലത്തിൽ ഏറ്റവും കൂടുതൽ വിറ്റഴിക്കപ്പെടുന്ന പത്ത് വയസ്സുകാരിയുടെ യഥാർത്ഥ കഥ

യമനിലെ നിലവിലുള്ള വിവാഹ വ്യവസ്ഥയെ തന്നെ മാറ്റി മറിക്കാൻ കാരണമായ ഒരു കൊച്ചു പെൺകുട്ടിയുണ്ട്.

യുദ്ധവും കലാപങ്ങളും ദാരിദ്ര്യവും നിറഞ്ഞ യമനിലെ ഖാർഡ്ജിയെന്ന കുഗ്രാമത്തിൽ വളർന്ന്, ഒൻപതാമത്തെ വയസ്സിൽ മാതാപിതാക്കളുടെ നിർബന്ധത്തിനു വഴങ്ങി വിവാഹിതയായി. തന്റെ പത്താമത്തെ വയസ്സിൽ വിവാഹ മോചനം നേടി ലോകത്തിലെ തന്നെ ശൈശവ വിവാഹങ്ങൾക്ക് തിരിച്ചറിവിന്റെ ജ്വാല പകർന്ന നുജൂദ് അലി.

നുജൂദ് അലിക്ക് ഒൻപത് വയസ്സുള്ളപ്പോൾ അവളുടെ മാതാപിതാക്കൾ മുപ്പത് വയസ്സുള്ള ഫയസ് അലി താമറുമായി വിവാഹം കഴിപ്പിച്ചു. ഭർത്താവിന്റെ വീട്ടുകാർ പതിവായി മർദ്ദിക്കുകയും ഭർത്താവ് ബലാത്സംഗം ചെയ്യുകയും ചെയ്ത അലി, വിവാഹത്തിന് രണ്ട് മാസത്തിന് ശേഷം 2008 ഏപ്രിൽ 2 ന് രക്ഷപ്പെട്ടു. അമ്മാവന്റെ രണ്ടാം ഭാര്യയുടെ ഉപദേശപ്രകാരം, വിവാഹമോചനം തേടാൻ അവൾ നേരിട്ട് യെമൻ കോടതിയിൽ പോയി. അര ദിവസം കാത്തിരുന്ന ശേഷം, മുഹമ്മദ് അൽ-ഗാദ എന്ന ജഡ്ജി അവളെ ശ്രദ്ധിക്കുകയും അവൾക്ക് താൽക്കാലിക അഭയം നൽകാൻ സ്വയം ഏറ്റെടുക്കുകയും ചെയ്തു . അവളുടെ പിതാവിനെയും ഭർത്താവിനെയും കസ്റ്റഡിയിലെടുത്തു.

അലിക്കുവേണ്ടി സൗജന്യമായി വാദിക്കാൻ ഷാദ നാസർ സമ്മതിച്ചു. 1990-കളിൽ സനയിൽ ഒരു സ്ത്രീ നേതൃത്വം നൽകുന്ന ആദ്യത്തെ യെമൻ നിയമ ഓഫീസ് എന്ന നിലയിൽ തന്റെ പ്രാക്ടീസ് ആരംഭിച്ചതുമുതൽ ആരംഭിച്ച പോരാട്ടത്തിന്റെ തുടർച്ചയായിരുന്നു അഭിഭാഷകയ്ക്ക് ഇത് . സ്ത്രീ തടവുകാർക്ക് സേവനങ്ങൾ വാഗ്ദാനം ചെയ്തുകൊണ്ട് അവർ തന്റെ ക്ലയന്റുകളെ വളർത്തിയെടുത്തു.

അക്കാലത്തെ യെമൻ നിയമം വിവാഹത്തിന് കുറഞ്ഞ പ്രായം നിശ്ചയിച്ചിരുന്നില്ല , കൂടാതെ കുടുംബങ്ങൾ വിവാഹ കരാറിൽ ഈ യുവ വധുക്കളുമായി ലൈംഗികബന്ധം “തയ്യാറാണെന്ന്” കണക്കാക്കുന്ന ഒരു നിശ്ചിത സമയം വരെ നിരോധിച്ചിരുന്നു എന്ന് വ്യവസ്ഥ ചെയ്തിരുന്നു. ഭർത്താവ് തന്നെ ബലാത്സംഗം ചെയ്തതിനാൽ അലിയുടെ വിവാഹം നിയമം ലംഘിച്ചുവെന്ന് കോടതിയിൽ നാസർ വാദിച്ചു. മൂന്ന് മുതൽ അഞ്ച് വർഷം വരെ ഇടവേളയ്ക്ക് ശേഷം ഭർത്താവിനൊപ്പം താമസിക്കുന്നത് പുനരാരംഭിക്കണമെന്ന ജഡ്ജിയുടെ നിർദ്ദേശം അലി നിരസിച്ചു. 2008 ഏപ്രിൽ 15-ന്, കോടതി അവർക്ക് വിവാഹമോചനം അനുവദിച്ചു (കൂടാതെ കരാർ ലംഘിച്ചതിന് വിവാഹ സമയത്ത് മുൻ ഭർത്താവിന് നൽകിയ 250 ഡോളർ നഷ്ടപരിഹാരവും).

അവളുടെ ജീവിതത്തിന്റെ പുസ്തകമാണ്, “ഞാൻ നുജൂദ്, വയസ് പത്ത്, വിവാഹമോചിത”.
നുജൂദ് അലിയും ഡെൽഫിൻ മിനായിയും കൂടി ചേർന്നെഴുതിയ പുസ്തകം ലോക ചരിത്രത്തിൽ തന്നെ സംഭവമായി.

അന്താരാഷ്ട്രതലത്തിൽ ഏറ്റവും കൂടുതൽ വിറ്റഴിക്കപ്പെടുന്ന പത്ത് വയസ്സുകാരിയായ ശ്രദ്ധേയയായ യഥാർത്ഥ കഥ, വിവാഹമോചനത്തിനായി പോരാടി തന്റെ രാജ്യത്തെ ഏറ്റവും പുരാതനമായ പാരമ്പര്യങ്ങളെ ധിക്കരിക്കാൻ ധൈര്യപ്പെട്ടഒരു സാധാരണ ഗ്രാമീണ പെൺകുട്ടിയാണ് ഞാൻ, എന്റെ കുടുംബത്തിലെ പുരുഷന്മാരുടെ ആജ്ഞകൾ ഞാൻ എപ്പോഴും അനുസരിച്ചിട്ടുണ്ട്. എന്നെന്നേക്കുമായി, എല്ലാത്തിനും അതെ എന്ന് പറയാൻ ഞാൻ പഠിച്ചു. ഇന്ന്, ഞാൻ ഇല്ല എന്ന് പറയാൻ തീരുമാനിച്ചു.ഉയർത്തപ്പെടുന്നതും താഴ്ത്തിക്കെട്ടാൻ കഴിയാത്തതുമായ ഇത്, യെമൻ ആചാരങ്ങളെയും സ്വന്തം കുടുംബത്തെയും ധീരമായി ധിക്കരിച്ച്, താൻ വിവാഹം കഴിക്കാൻ നിർബന്ധിതനായ പുരുഷനിൽ നിന്ന് വിവാഹമോചനം നേടിയ പത്ത് വയസ്സുകാരിയുടെ യഥാർത്ഥ കഥയാണ്.

യമനിലെ യാഥാസ്ഥിതിക കുടുബത്തിൽ അലി മുഹമ്മദ്-ഷോയ ദമ്പതികളുടെ മകൾ ആയിരുന്നു നുജൂദ്. അവളെ വിവാഹം കഴിപ്പിച്ചയക്കുമ്പോൾ അവൾ ഋതുമതി പോലുമായിരുന്നില്ല. വിവാഹ ജീവിതം എന്തെന്ന് അറിയാത്ത പ്രായത്തിൽ തന്നേക്കാൾ ഒരുപാട് പ്രായം കൂടിയ ഒരു മനുഷ്യന്റെ ഭാര്യ ആകേണ്ടി വന്നവൾ.

തന്റെ ഉമ്മയുടെ പതിനഞ്ചാമത്തെ സന്തതി. ഒൻപതാമത്തെ വയസ്സിൽ അവൾ ഫൈസ് അലി താമർ എന്ന മുപ്പത്തിയൊന്നു വയസ്സുകാരന്റെ ഭാര്യയായി. ആദ്യ രാത്രിയിൽ തന്നെ അയാൾ അവളെ ക്രൂരമായി മാനഭംഗം ചെയ്തു. രാത്രികളിൽ അയാളെ ഭയന്ന് അവൾ വീടിനു ചുറ്റും ഓടുമ്പോൾ ഭീഷണിപ്പെടുത്തിയും ശാരീരികമായി ആക്രമിച്ചും അയാൾ അവളെ കിടപ്പുമുറിയിലേക്ക് വലിച്ചിഴക്കുന്നതു പതിവായി.

“കിതച്ചു കൊണ്ട് ഞാന്‍ മറ്റൊരു മുറിയിലേക്കോടി. ഏതോ ശൂന്യതയിലാണ് എന്റെ നിലവിളി ചെന്നുപതിച്ചത്. അവിടേയും അയാളെന്നെ പിന്തുടര്‍ന്നു. ഒരു കുപ്പിച്ചില്ല് എന്റെ കാലില്‍ കയറി. അതെടുത്ത് കളയാനായി ഒരു നിമിഷം നിന്നപ്പോഴേക്കും ആ കൈകള്‍ എന്നെ കടന്നുപിടിച്ചു”.

“പുലര്‍കാലത്ത് കിടന്ന വിരിയില്‍ ഇത്തിരി രക്തം; അമ്മായിയമ്മ വന്ന് ചാക്കുകെട്ടെന്നോണം എന്നെ എടുത്ത് കുളിമുറിയില്‍ കൊണ്ടുപോയി “മുബാറക്” എന്ന് പറഞ്ഞ് വെള്ളമൊഴിക്കുന്നു. വേണ്ട വിധത്തില്‍ എനിക്കാലോചിക്കാനാവുന്നില്ല. ശരീരം തണുത്തു വിറയ്ക്കുന്ന ഞാന്‍ വളരെ ചെറുതാണെന്ന് തോന്നുന്നു. എന്റെ ഉമ്മ എത്ര അകലെയാണ്. അബ്ബാ എന്നെ ഇങ്ങനെ കല്യാണം കഴിപ്പിച്ചയച്ചത് എന്തിനുവേണ്ടിയാണ്. ഇങ്ങനെയൊക്കെയാണ് സംഭവിക്കാന്‍ പോകുന്നതെന്ന് എന്തേ എന്നെ കാലേക്കൂട്ടി അറിയിച്ചില്ല”……

കളിക്കൂട്ടുകാരെയും പാവക്കുട്ടികളെയും മധുരത്തെയും ഇഷ്ടപ്പെട്ട ആ കൊച്ചു പെണ്ണ്, അവൾക്കു മീതെ സമൂഹവും വീടും അടിച്ചേൽപ്പിച്ച വ്യവസ്ഥിതിയുടെ പേരാണ് വിവാഹം എന്നറിഞ്ഞില്ല.

വിവാഹ സൽക്കാരത്തിന് സ്വന്തം വീട്ടിൽ തിരിച്ചെത്തിയ നുജൂദ് അവൾക്കു സംഭവിച്ച ദുരന്തത്തിൽ നിന്ന് പുറത്ത് കടക്കാനുള്ള ശ്രമം നടത്തുന്നു. റൊട്ടി വാങ്ങാൻ കൊടുത്ത ചില്ലറക്കാശുമായി നുജൂദ് പോകുന്നത് കടയിലേക്കല്ല,കോടതിയിലേക്കാണ്. കോട്ടിട്ട ആളുകൾ തന്നെ ശ്രദ്ധിക്കാതെ കടന്നു പോവുമ്പോൾ താൻ വെറും കടുകുമണിയോളം ചെറുതാണ് എന്ന് നുജൂദ് തിരിച്ചറിയുന്നു. എനിക്ക് വിവാഹ മോചനം വേണം” എന്ന് കോടതിയിൽ ജഡ്ജിയോട് അവൾ ആവശ്യപ്പെടുമ്പോൾ നടുങ്ങിയത് ജഡ്ജിയും ചുറ്റുമുള്ളവരും മാത്രമല്ല ഈ ലോകം തന്നെയാണ്.

10 വയസ്സ് മാത്രം പ്രായമുള്ള ആ കൊച്ചു പെൺകുട്ടിയോട് ”നീ ഇപ്പോഴും കന്യകയാണോ?”എന്ന കോടതിയുടെ ചോദ്യത്തിന് ”അല്ല രക്തമൊലിക്കുകയുണ്ടായ് ”എന്ന അവളുടെ മറുപടി മനുസത്വമുള്ള എല്ലാവരിലും നീറ്റലുണ്ടാക്കി

ശൈശവ വിവാഹത്തിന്റെ മുറിവുകൾ ഇത്ര കർക്കശമായി ലോകത്തോട് വിളിച്ചു പറയാൻ ധൈര്യം കാണിച്ച മറ്റൊരു പെൺകുട്ടി ലോകചരിത്രത്തിൽ ഇല്ല. ഷാദാ നസീർ എന്ന മനുഷ്യാവകാശ പ്രവർത്തകയും വക്കീലുമായ സ്ത്രീയുടെ സംരക്ഷണം നുജൂദിനെ അവൾ ആഗ്രഹിച്ച വിധമുള്ള ജീവിതം വീണ്ടെടുക്കാൻ സഹായിച്ചു. ലോകത്തിലെ തന്നെ ഏറ്റവും പ്രായം കുറഞ്ഞ വിവാഹമോചിത. അതിലൂടെയാണ് യമനിലെ പെൺകുഞ്ഞുങ്ങളുടെ വിവാഹ പ്രായം പതിനഞ്ചിൽ നിന്നും പതിനേഴായി പ്രഖ്യാപനം വരുന്നത്.

വിവാഹമോചനവിധി വായിച്ചു കേള്‍പ്പിച്ചപ്പോള്‍ സന്തോഷംകൊണ്ട് തുള്ളിച്ചാടിയ പത്തുവയസുകാരി കുഞ്ഞുനുജൂദിനോട് എന്ത് തോന്നുന്നുവെന്ന് വക്കീല്‍ ഷാദ ചോദിച്ചപ്പോള്‍ നുജൂദ്‌ പറഞ്ഞതിങ്ങനെയാണ്;
“ചോക്ലേറ്റും കേക്കും തിന്നാന്‍ തോന്നുന്നുണ്ട്.എനിക്ക് കുറച്ച് കളിപ്പാട്ടങ്ങള്‍ വേണം”.

‘എനിക്കു പ്രായമാകുമ്പോള്‍ ഞാന്‍ ഷാദയെപ്പോലെ ഒരു വക്കീലാകും. എന്നെപ്പോലെയുള്ള മറ്റു ചെറിയ പെണ്‍കുട്ടികളുടെ അവകാശങ്ങള്‍ സംരക്ഷിക്കും. എനിക്കു സാധിക്കുമെങ്കില്‍, ഞാന്‍ നിര്‍ദ്ദേശിക്കും, പെണ്‍കുട്ടികളുടെ വിവാഹപ്രായം 16 ആക്കണമെന്ന്. അല്ലെങ്കില്‍ ഇരുപതോ ഇരുപത്തിരണ്ടോ’. നുജൂദ് അലി അവളുടെ ആത്മകഥയില്‍ എഴുതിയ വരികളാണിത്…